"ნიუპოსტის" ინფორმაციით, "ქართული ოცნება" განათლების, მეცნიერების, კულტურისა და სპორტის მინისტრად მაია მიმინოშვილის კანდიდატურას განიხილავს.

მიმინოშივილი გამოცდების ეროვნული ცენტრის ყოფილი ხელმძღვანელია.

"ნიუპოსტი" მიმინოშვილს ესაუბრა, რომელმაც აღნიშნული ინფორმაცია არ დაადასტურა.

"არასწორი ინფორმაციაა ნამდვილად... არაფერი ყოფილა"- გვითხრა მაია მიმინოშვილმა, თუმცა კითხვა, შემოთავაზების შემთხვევაში დათანხმდება თუ არა მინისტრის თანამდებობას უპასუხოდ დატოვა.

პარლამენტის განათლების კომიტეტის წევრი თემურ ჭკუასელი არ გამორიცხავს, რომ ბატიაშვილის შენცვლელად მიმინოშვილის კანდიდატურა განიხილებოდეს.

„მაია მიმინოშვილი გამოცდილი ადამიანია. შეიძლება, მისი კანდიდატურა განიხილება, რასაც მივესალმები“, - განაცხადა ჭკუასელმა.