განათლების, მეცნიერების, კულტურისა და სპორტის უკვე ყოფილმა მინისტრმა, მიხეილ ბატიაშვილმა ჟურნალისტებთან გადადგომის შემდეგ, პირველი კომენტარი გააკეთა,

მისი თქმით, თანამდებობის დატოვების შესახებ გადაწყვეტილება პირადი სურვილი იყო.

„მინდა გითხრათ, მივიღე გადაწყვეტილება, დავტოვო მინისტრის თანამდებობა. ჩემი გადაწყვეტილების მიზეზი არის პირადი და დიდ იმედს გამოვთქვამ, ამას არ მოყვება დამატებითი პოლიტიკური სპეკულაციები. ამასთან დაკავშირებით აქტიური კონსულტაციები მქონდა პრემიერ-მინისტრთან და ძალიან ვაფასებ მის მხარდაჭერას როგორც ზოგადად, განათლების სისტემის მიმართ, ასევე, ჩემს გადაწყვეტილებასთან დაკავშირებით. ასევე, მინდა, დიდი მადლობა ვუთხრა მას, რომ პირადად აქტიურად არის ჩართული რეფორმის ფარგლებში მიმდინარე პროცესებში" - აღნიშნა ბატიაშვილმა.