წილკნისა და დუშეთის მთავარეპოსკოპოსი ზოსიმე ამბობს, რომ წმინდა სინოდზე მისთვის არავის უკითხავს დაუჭერდა თუ არა პეტრე ცაავასთვის სასჯელის დაკისრებას მხარს:

"არ მინდა სინოდის ამბები აქ გამოვიტანო, მაგრამ ჩემთვის პირადად არ უკითხავთ - მეუფეო, თქვენ გინდათ თუ არა, რომ პეტრე გადავაყენოთ, ეს არ უკითხავთ. იქ ისეთი საერთო აზრი იყო. ჩემთვის რომ ეკითხათ, მეუფეო, აი, გინდათ თუ არა, მე ჩემი მოსაზრება მქონდა. როცა დამთავრდა კიდეც სინოდის სხდომა, მეუფე ისაიას გადავულაპარაკე, ეს არ არის ერთადერთი გამოსავალი და შეიძლებოდა უფრო ფრთხილი მოქმედება”,- ამბობს მიტროპოლიტი.