პოლიტოლოგი „ნიუპოსტთან“ აცხადებს, რომ სახეზეა ინსტიტუციონალური კრიზისი.

„ეს დაპირებაც თავის დროზეც საკმაოდ ორაზროვანი იყო. უცნობია, რას გულისხმობდა ივანიშვილი - სახელმწიფოს წინაშე არსებულ უამრავ პრობლემის მოგვარებას ან მმართველობით სისტემის შეცვლას, თუ ოპონენტებს გაუსწორდებოდა.

ძალიან ბუნდოვანი განაცხადი იყო, თუმცა რაც არ უნდა იყოს, ვერც ერთი დაპირება ვერ შესრულდა. თუ ის პოზიტიური დღისწესრიგის შექმნას და ქვეყანაში ინსტიტუციური წესრიგს აღდგენას, კეთილდღეობის და თავისუფლების კუთხით დადებით ძვრებს გულისხმობდა, ამ მხრივ არათუ შესრულდა მისი დაპირება, არამედ დეგრადაცია მივიღეთ. პრაქტიკულად ყველა მიმართულებით ინსტიტუციური კრიზისი სახეზეა. ამას ეკლესიაში განვითარებული ბოლოდროინდელი მოვლენებიც ადასტურებს. ბოლო ინსტიტუტი იყო, რომელსაც მეტ-ნაკლებად ყველაზე მაღალი ნდობა ჰქონდა საზოგადოებაში და იქაც სერიოზული რყევები მივიღეთ. მართლმსაჯულებაზე და თუნდაც მმართველობით სისტემაზე აღარაფერს ვამბობ, რადგან იქ ნდობა პლინტუსსქვემოთ არის.

თუ ის ამ მიმრთვაში გულისხმობდა ოპონენტებისთვის გამანადგურებელი დარტყმის მიყენებას, ამ მხროვაც დიდი ვერაფერი მიღწევა აქვს. ასე რომ ეს იყო მხოლოდ სიტყვები და მეტი არაფერი“- უთხრა „ნიუპოსტს“ გია ხუხაშვილმა.

პოლიტოლოგი არ გამორიცხავს, რომ ივანიშვილმა 2020 წლის არჩევნებზეც იმუშავოს სოციალურად მძიმე მდგომარეობაში მყოფ მოსახლეობაზე, მაგრამ მისი თქმით, „ამომრჩეველი არც თუ ისე მემიტია...“

„ამომრჩევალი არც თუ ისეთი მეამიტია, რომ მსგავსი დაპირებები კიდევ ერთხელ დაიჯეროს, თუმცა მეორეს მხრივ გაჭირვებული ამომრჩეველი საკმაოდ მოწყვლადია. შეიძლება მას კონკრეტული ადამიანის არ სჯეროდეს, მაგრამ სიკეთეზე ერთჯერადად კიდევ ერთხელ გაიყიდოს საარჩევნოდ. თვოთონ ამ რიტორიკას დიდი აზრი და მნიშვნელობა არ აქვს, რა თქმა უნდა მისი (ივანიშვილის) სიტყა რბილად რომ ვთქვათ შეფერთხილია“- აცხადებს ხუხაშვილი.