"მთავარ სამიზნეს არ უნდა ავცდეთ!... ჩვენ რას ვაკეთებთ?! ივანიშვილის ხელისუფლების გაშვების გარეშე არც საეკლესიო რეფორმა გამოვა და სახელმწიფოც ხელიდან გამოგვეცლება"

"მთავარ სამიზნეს არ უნდა ავცდეთ!... ჩვენ რას ვაკეთებთ?! ივანიშვილის ხელისუფლების გაშვების გარეშე არც საეკლესიო რეფორმა გამოვა და სახელმწიფოც ხელიდან გამოგვეცლება" - ბაჩუკი ქარდავა

პოლიტიკა - 14:36, 04 Nov, 2019

867

საპატრიარქო გარშემო მიმდინარე მოვლენებია კვლავაც მედიისა და პოლიტიკოსების განხილვის მთავარი თემა. ეროვნულ-დემოკრატიული პარტიის ლიდერი ბაჩუკი ქარდავა ფეისბუქის გვერდზე პოსტს აქვეყნებს. მისი თქმით, "ივანიშვილმა ბალამუტი მოაწყო" და ამ პროცესში "ვიღაც დაეხმარა და ვიღაც არა". რაც შეეება ეკლესიაში რეფორმების აუცილებლობის საკითხს, ქარდავა მიიჩნევს, რომ ამ ვითარებაში მთავარი სამიზნე ივანიშვილია და მისი ხელისუფლებიდან ჩამოშორების გარეშე არც საეკლესიო რეფორმა განხორციელდება და სახელმწიფოც საფრთხის ქვეშ რჩება.

"ის რაც ეკლესიაში ხდება, უფრო სწორი იქნება, ვთქვათ, ეკლესიის მმართველობაში ხდება, (ეკლესია ქრისტეს სხეულია, იქ ვერ მოხდება...) რამოდენიმე მიზეზი აქვს - პირველი ის, რომ ალბათ ეკლესიის ჩარევას პოლიტიკაში თავისი ნეგატიური გამოვლინებები ახასიათებს და 2012-ის მერე ეს მოსალოდნელი იყო. მითუმეტეს ივანიშვილისგან, კაცის რომელსაც ვალში ყოფნა არ უყვარს და მოვალეს ანადგურებს ხოლმე... მეორე - ეკლესიის მართვაში პრობლემები ცხადად ჩანს და ჩანს, რომ თუნდაც საუუკუნეების სიღრმეში შექმნილი რჯულის კანონით მართვის წესების უგულებელყოფა უნდა დასრულდეს. მეუფე პეტრეს განცხადება? ბოდიში, ის მეუფეა და არავის ჩამოურთმევია ხარისხი, მომწონს თუ არა მისი განცხადება მაინც თავის ხარისხში მოვიხსენიებ, იყო გაბრაზებული, მრისხანების ფონზე ნათქვამი და ჩემთვის რომ ეკითხა Nika Gvaramia -ს, ვეტყოდი - არა, ბიძინას თამაში არ უთამაშია, უბრალოდ ბიძინას იაკობის განცხადებების ფონზე აწყობდა ყურადღების გადატანა და პეტრეს განცხადება ამაში დაეხმარა, თუ ვინმეს დააინტერესებს მამათმავლობის ამბავი, არ მჯერა და ერთს გაუსვამ ხაზს - უცოდველი ამ ქვეყნად არავინაა, მაგრამ ტყუილი ცოდვის მიკერებას კიდევ სხვა სახელი აქვს და არა მხილება! შედეგში ერთი რამე აშკარაა, ბიძინამ მოაწყო ბალამუტი, ვიღაც გამოადგა ამ პროცესში, ვიღაც არა, მაგრამ წუხანდელი მისვლით საპატრიარქოში ეს დააფიქსირა კიდეც, ჩვენ რას ვაკეთებთ?! ჩუკენობით ვართ დაკავებული?! ეკლესიის ტაქტიკა და მისდამი ჩვენი დამოკიდებულება იცვლება იმისდა მიხედვით თუ ვინ მართავს სახელმწიფოს დიოკლიტიანე თუ კონსტანტინე დიდი - ადგება ის ბრძოლის და მოწამეობრივ გზას, თუ იწყებს შენებას და რეფორმირებას თავის თავში. უნდა გვესმოდეს, რომ დღეს ქვეყანას მართავს დიოკლიტიანე!

მოდით შევთახმდეთ რა უფრო დიდი პრობლემაა - ის, რომ ბიძინა სპობს ყველაფერს ქართულს და მიადგა ეკლესიასაც, თუ რეფორმა ეკლესიაში რომელსაც ითხოვს დრო? ვფიქრობ ორივე საჭიროა, მაგრამ მთავარ მიზანს არ უნდა ავცდეთ - ივანიშვილის ხელისუფლების გაშვების გარეშე არცერთი არ გამოვა, არც საეკლესიო რეფორმა და ქართული სახელნწიფოც ხელიდან გამოგვეცლება!" - წერს ბაჩუკი ქარდავა.