"ინვესტორები გააქციეს და მხოლოდ ერთი ინვესტორი დარჩა, ერთი რუსი ოლიგარქი, ივანიშვილი"

"ინვესტორები გააქციეს და მხოლოდ ერთი ინვესტორი დარჩა, ერთი რუსი ოლიგარქი, ივანიშვილი" - გიორგი ბოტკოველი

პოლიტიკა - 17:40, 30 Oct, 2019

850

"ერთიანი ნაციონალური მოძრაობის" ერთ-ერთი ლიდერი, გიორგი ბოტკოველი ამბობს, რომ ბიძინა ივანიშვილმა ყველა სტრატეგიული პროექტი მოკლა.

ოპოზიციონერი "ქართული ოცნების" თავმჯდომარის მიერ წყალტუბოს სასტუმროების გამოსყიდვას გამოეხმაურა და აღნიშნა, რომ ივანიშვილს, რომელიც არაფორმალური მმართველია, ქვეყნის მოსახლეობის წინაშე არაერთი ვალდებულება აქვს, რომლის უმეტესობაც ამ დრომდე არ შეუსრულებია.

მისივე განცხადებით, წყალტუბოს რეაბილიტაციის პროექტი წინა ხელისუფლების პერიოდში დაიწყო.

"აბასთუმანი, წყალტუბო - ესენი მისი პირადი პროექტებია, რომლის მეშვეობითაც უნდა გაზარდოს საკუთარი კაპიტალი. რაც შეეხება წყალტუპოს, ეს პროექტი დიდიხნის დაწყებული იყო. პირველი ეტაპი დევნილების გამოსახლება იყო. იგეგმებოდა მათთვის ალტერნატიული საცხოვრებლის შექმნა. პირველი ეტაპი განხორციელდა. ასეცე რეაბილიტაცია ჩაურატდა ცენტრალურ პარკს, რომელიც სამედიცინო ტურიზმის ერთ-ერთი ხელშემწყობი უნდა ყოფილიყო. ამის პოტენციალი წყალტუბოს ნამდვილად გააჩნია. 2009 წლიდან 2012 წლის ჩათვლით წყალტუბოს რეაბიულიტაციისთვის 49 მილიონი ლარი დაიხარჯა. ძალიან ბევრი პროექტი არსებობდა, ძალიან ბევრი ინვესტორი იყო მოზიდული, რომლებიც ძალიან ბევრ ინვესტიციას დებდნენ წყალტუბოს განვითარებაში. ამ ყველაფერში სახელმწიფო წილიც არსებობდა და დამატებით 200 მლნ. ლარი უნდა დახარჯულიყო.

მარტო ერთი რად ღირს - სასტუმრო "შახტიორი", რომელიც ერთ-ერთი დიდი სასტუმროა, იქ უნდა დაცხარჯულიყო 35 მლნ. ლარი, რომელიც მსოფლიოში ერთ-ერთი საუკეთესო სპა, სამკურნალო სანატორიუმი იქნებოდა. ეს ყოველივე კავშირში იყო კიდევ ძალიან ბევრ პროექტთან. ამასთან ერთად წყალტუბო გამტარი ადგილი უნდა ყოფილიყო, რომელიც სვანეთთან დამაკავშირებელ გვირაბს შეუერთდებოდა და ყველა ტურისტი აუცილებდალ წყალტუბოში დაბინავდებოდა და იქიდან მოახდენდა ტრანსოპორტირებას სვანეთის მიმართულებით, მაგრამ ეს ყველაფერი ბიძინა ივანიშვილმა მიზანმიმართულად მოკლა. ინვესტორები გააქციეს და მხოლოდ ერთი ინვესტორი და დარჩა ერთი რუსი ოლიგარქი, ბიძინა ივანიშვილი, რომელიც მხოლოდ საკუთარ წარმატებაზე ზრუნავს და არა იმ დანაპირების შესრულებაზე, რომელიც მას ამომრჩეველთან გააჩნია"- თქვა ბოტკოველმა.