გომელაური მეუფე იაკობის სკანდალურ განცხადებაზე: "წარმოუდგენელია ვინმემ განიხილოს უწმინდესის გადაყენება... მე ასეთ შეხვედრაზე არ ვყოფილვარ"

პოლიტიკა - 11:05, 30 Oct, 2019

827

შინაგან საქმეთა მინისტრი, ვახტანგ გომელაური ამტკიცებს, რომ ის იმ შეხვერდრას არ დასწრებია, რომელზეც მეუფე იაკობის თქმით, პატრიარქის გადაყენებაზე საუბარი მიმდინარეობდა.

გომელაურის თქმით, წარმოუდგენელია ვინმეს განეხილა ილია მეორეს გადაყენაბა, რტადგან მას ყველა პატივს სცემს.

"უდიდეს პატივს ვცემ უწემინდესს. არამარტო მე, მთელი ჩვენი გუნდი და ვფიქრობ მთელი საქართველო. წარმოუდგენელია ეს თემა, პატრიარქის გადაყენება-არგადაყენება საერთოდ ვინმემ განიხილოს. არ შემდგარა, არანაირ მსგავს შეხვედრაზე არ ვყოფილვარ. არ ვყოფილვარმეთქი და რა ვერსია მოგიყვეთ?! "- განაცხადა ვახტანგ გომელაურმა.

კითხზვაზე უნდა დაიწყოს თუ არა ბოდბელი ეპისკოპოსის სკანდალურ განცხადებაზე გამოძიება, შს მინისტრმა თქვა, რომ ეს საკითხი მთავარი პროკურატურის პრეროგატივაა.

"მთავარმა პროკურორმა თქვა, რომ არ აპირებს გამოძიების დაწყებას. პროკურატურას უფრო მეტი ლეგიტიმაცია აქვს და ის აფასებს დანაშაულის სიმძიმეს. დანაშაული არის თუ არ არის. თუ გამოვლინდება დანაშაული გადაწყვეტს პროკურორი"- განაცხადა გომელაურმა.

მედიის შეკითხვაზე, რატომ ასახელებს მეუფე 3 მაღალჩინოსანის გვარს, მინისტრმა მოკლედ უპასუხა: "კითხეთ მეუფე იაკობს".

მისი თქმით, მეუფე იაკობთან ახლო ურთიერთობა აქვს.

"ძალიან კარგად ვიცნობ მეუფე იაკობს და ბევრ სხვა მეუფეს. დღესასწაულებზე ბევრჯერ შევხვედრილვართ"- თქვა მინისტრმა.