"ვასაძეს მოუთხოვია, ხელი დაედო დიმიტრისთვის და სოსოსთვის, რომ ერთად აპირებდნენ პატრიარქის ლიკვიდაციას"- დეკანოზის ადვკატი სკანდალურ დეტალებს იხსენებს

პოლიტიკა - 19:03, 28 Oct, 2019

1035

ე.წ. ციანიდის საქმეზე მსჯავრდებული დეკანოზის, მამა გიორგი მამალაძის ადვოკატი, მიხეილ რამიშვილი მისი დაცვის ქვეშ მყოფი სასულიერო პირის სკანდალურ წერილს ეხმაურება.

იურისტის განცხადებით, დაკავების შემდეგ მამა გიორგი მამალაძეზე ზეწოლას პროკურატურის მაღალჩინოსანი, მამუკა ვასაძე ახორციელებდა და დეკანოზსს პატრიარქის ლიკვიდაციის მცდელობის არიარებას და ამ სამეში მეუფე დიმიტრისა და სოსო ოხანაშვილის მონაწილეობაზე ჩვენების მიცემას აიძულებდა.

"როდესაც მამა გიორგი მამალაძის მიყვანა მოხდა მთავარ პროკურატურაში, იქ მას ვასაძე დაეკონტაქტა და მუქარით, პირდაპირ, მკაცრი ტონით დაკავებულისთვის მოუთხოვია დაუყოვნებლივ დაედო ხელი დიმიტრისთვის და სოსოსთვის (მეუფე დიმიტრი, სოსო ოხანაშვილი), რომ გერმანიაში ერთად აპირებდნენ პატრიარქის ლიკვიდაციას და ეს იყო დაგეგმილი ოპერაცია. მასზე (მამა გიორგი მამალაძეზე) ზეწოლას ახორციელებდნენ, იყო მუქრაც. მოგეხსენებათ დეკანოზის ძმაზე, თავდასხბაც კი მოხდა ბათუმში, თუმცა ეს საქმე დღემდე გტამოუძიებელია.

არ გამოვრიცხავ, რომ ეს სიტყვიერი შანტაჟი და მუქარა, გადაიყვანეს ესე რომ ვთქვათ მოქმედებებში, რასაც დეკანოზის დღევანდელი მდგომარეობაც ადასტურებს"- განაცხადა მიხეილ რამიშვილმა.

ე.წ. ციანიდის საქმეზე მსჯავრდებული დეკანოზი, მამა გიორგი მამალაძე ციხიდან გამოგზავნილ სკანდალურ წერილში მთავარი პროკურორის მოადგილეს მამუკა ვასაძეს უმძიმეს ბრალდებებს უყენებს.

სასულიერო პირი ირწმუნება, რომ სწორედ ვასაძეა ის პირი, რომელიც მას არარსებული დანაშაულის აღიარებას "საკუთარი ხელის ბიჭების" საშუალებით აიძულებდა. წერილის ავტორის თქმით, მისი დაკავებით საპატრიარქოს სოსო ოხანაშვილი ჩამოაშორეს და ასევე მეუფე დიმიტრი, პატრიარქობის ერთ-ერთი კანდიდატი გაანეიტრალეს.

მსჯავრდებული დეკანოზი წერილში ამბობს, რომ მას ბოლო ორი წელია ლიკვიდაციის შიშში ამყოფებენ. სასულიერო პირის განცხადებით, მას შვილების ლიკვიდაციითა და ძმის, თორნიკე მამალაძის დაკავებით ემუქრებიან.