მღვდელმონაზონი ანდრია სარია, მეუფე იაკობის მიერრ გაკეთებულ განცხადებებს კრიტიკულად აფასებს და აღნიშნავს, რომ საეკლესიო პრობლემებს წმინდა სინოდის სხდომების მოწვევა სჭირდება.

"თქვენ იცით უკვე მერამდენე წელია მიმდინარეობს ღია მსჯელობები საეკლესიო თემატიკაზე. მეუფე იაკობის განცხადებამ განაახლა ეს თემა სამსჯელოდ, თუმცაღა უნდა ითქვას, რომ არც ისე მოულოდნელი არის ეს. შეუფერებელი განცხადებები, მეთოდები მათი მხრიდან არაერთგზის გვიმხელია, კიდევ ერთხელ გამოჩნდა და მე ღიადაც დავწერე, რომ ეს არის საპატრიარქოს ადმინისტრაციის სახე. რა თქმა უნდა, ეს ამავე დროს იწვევს ჩვენში ემოციას სიბრალულისას, ანუ სასულიერო პირი არ უნდა საუბრობდეს ამ ლექსიკით, ამ ფორმით, ხოლო შინაარსობრივ მხარეს რაც შეეხება, როგორც სასულიერო, ისე საერო ხელისუფლების ინტერესებში უნდა შედიოდეს ციანიდის საქმიდან გამომდინარე განხილვა და განსჯა. თუ საეკლესიო, ანუ სინოდის კრებაზე არ იქნა საბოლოოდ შეფასებული, უფრო სავალალო შედეგამდე მივალთ. პირველ რიგში არათუ თავის არიდებას უნდა ცდილობდეს საპატრიარქოს ადმინისტრაცია და გარეთ ტელევიზიებში ღიად სხვადასხვა პიროვნების გამოგზავნას, თავის ასე ვთქვათ შენარჩუნება-შენახვას, არამედ ღიადვე დაფიქსირებას, რომ არსებობს პრობლემები და ამ პრობლემებს სჭირდება შიგნითვე განსჯა, საბოლოო წერტილის დასმა. როგორც მიტროპოლიტმა პეტრემ განაცხადა, საეკლესიო პრობლემებს სინოდის მოწვევა სჭირდება, რაც არ მომხდარა" - განაცხადა მღვდელმონაზონმა.