გარკევეულ ძალებს მთავარეპისკოპოს იაკობის შიოსთან და ბიძინა ივანიშვილთან დაპირისპირება სურთ. - ამის შესახებ მოსაზრება საპატრიარქოს იურისტმა, ედიშერ ქარჩავამ გამოთქვა.

"მეუფე იაკობს ძალიან ბევრი რამ აქვს გაკეთებული როგორც საქართველოს საპატრიარქოსთვის, ასევე ამ ხელისუფლებისთვის.

ჩემი აზრით, მისი მტრად გამოცხადება და დემონიზება არასწორია. მრჩება ისეთი შთაბეჭდილება, რომ მეუფე იაკობის დაპირისპირება უნდათ გარკვეულ პირებს თუ ძალებს, როგორც მეუფე შიოსთან, ასევე ბატონ ბიძინა ივანიშვილთან. ვის უნდა და ვის არ უნდა, ეს არ ვიცი"- თქვა იურისტმა.

ქარჩავა მეუფე იაკობის სკანდალურ განცხადებას მოკლედ გამოეხმაურა და თქვა, რომ მეუფე იაკობს განსაკუთრებულად კარგი დამოკიდებულება ჰქონდა დღევანდელ ხელისუფლებასთან და “მისი ეს განცხადება შოკისმომგვრელია”.