"პატრიარქის ჩამოშორება 2014 წელს დაიგეგმა... რუსულ-ქართული ჯგუფიდან მიტროპოლიტი სერაფიმე განიხილებოდა, მეუფე შიოს ვასაძე და დუგინი ლობირებდა"- ნესტან კირთაძე სკანდალურ დეტალებს ჰყვება

პოლიტიკა - 14:11, 28 Oct, 2019

5847

პროფესორი ნესტან კირთაძე სკანდალურ განცხადებას აკეთებს და ამბობს, რომ პატრიარქის ჩამოშორება ჯერ კიდევ 2014 წელს დაიგეგმა. მისივე განცხადებით საქართველოს მომავალი პატრიარქობის კანდიდატებს მოსკოვში განიხილავდნენ. პოლიტიკოსის ინფორმაციით, ასარჩევ სიაში პატრიარქის მოსაყდრე, მეუფე შიო არ შედიოდა, თუმცა კირთაძე იქვე აღნიშნავს, რომ მეუფე შიოს რამდენიმე გავლენიანი ბიზნესმენი ლობირებდა, მათ შორის იყო ლევან ვასაძე. ნესტან კირთაძე აჟღერებს რუსი ანალიტიკოსის ალექსანდრ დუგინის სახელს და მას მაუფე შიოს ლობისტად მოიხსენიებს.

"მეუფე შიო ასარჩევ სიაში, რომელიც იყო ძალიან მცირე რაოდენობით, მაშინ არ იყო. საუბარია სიაზე, რომელიც ჰქონდათ რუსებს. ჩემი ინფორმაციით, მეუფე შიო მორიგი პატრიარქების ჩამონათვალში არ იყო. რაც დაზუსტებულად ვიცი, პატრიარქის პოსტზე განიხილებოდა, როგორც ქართული ჯგუფიდან, ასევე რუსული ჯგუფიდან მიტროპოლიტი სერაფიმე ჯოჯუა. მეუფე შიოს უფრო ლობირებდა ლევან ვასაძე და ქართული წარმოშობის რამდენიმე ბიზნესმენი დუგინთან ერთად. უფრო პოლიტიკური ჯგუფიდან წამოვიდა მეუფე შიოს კანდიდატურა, რომელზედაც ალბათ უარი არ თქვა რუსეთის საპატრიარქომ. ვინაიდან სწორედ მეუფე შიოს მოსაყდრედ დასახელებას წინ უძღოდა ილარიონ ალფაევის, რუსეთის ფედერაციაში ერთ-ერთი ყველაზე გავლენიანი სასულიერო პირის ვიზიტი საქართველოში"- განაცხადა ნესტან კირთაძემ.

შეგახსენებთ, პატრიაქის ცვლილების შესახებ სკანდალური განცხადება გააკეთა ბოდმელმა ეპისკოპოსმა იაკობმა. მაღალი იერარქის თქმით, საუბარი დაიწყო, მაშინ, როცა პრემიერ-მინისტრის პოსტს გიორგი კვირიკაშვილი იკავებდა.

მეუფე იაკობის თქმით, შეხვედრას სადაც პატრიაქის ტახტიდან ილია მეორეს ჩამოშორება იგეგმებოდა სამი მაღალჩინოსანი ესწრებოდა. უფრო კონკრეტულად - გიორგი კვირიკაშვილი, გიორგი გახარია და ვახტანგ გომელაური.

მეუფე იაკობის თქმით, მას "ჩალიჩებოდნენ", რომ მოხდარიყო პატრიარქის გადაყენება და პატრაიქრის ტახტი მეუფე შიო მუჯირს დაეკავებინა.

მეტიც ბოდბელი ეპისკოპოსის მტკიცებით, "ხელისუფლებისთვის ხელსაყრელი იყო, რომ პატრიაქი მოეკლათ".

მეუფე იაკობმა ღიად თქვა, რომ ამ პროცესში ბიძინა იავანიშვილთან დაახლოებული ბიზნესმენი, ვანო ჩხარტიშვილიც იყო ჩართული.