ცენტრალური საარჩევნო კომისია საკრებულოს შუალედურ არჩევნებზე 10:00 საათისთვის ამომრჩეველთა აქტივობის შესახებ ინფორმაციას ავრცელებს.

ცესკოს ინფორმაციით, ლაგოდეხში, სადაც 4 229 ამომრჩეველია რეგისტრირებული, 10:00 საათისთვის საარჩევნო უბანზე 332 ამომრჩეველი იყო დაფიქსირებული, რაც 7.9 პროცენტს შეადგენს.

ადიგენში 10:00 საათისთვის ამომრჩეველთა აქტივობა 8.3 პროცენტია. ცესკო-ს ინფორმაციით, 1466 რეგისტრირებული ამომრჩევლიდან საარჩევნო უბანზე 122 ამომრჩეველი მივიდა.

მარტვილში 10:00 საათისთვის ამომრჩეველთა აქტივობა 5.7 პროცენტი დაფიქსირდა – 1103 რეგისტრირებული ამომრჩევლიდან საარჩევნო უბანზე 63 მივიდა.

დღეს მუნიციპალიტეტის წარმომადგენლობითი ორგანოს – საკრებულოს 2017 წლის 21 ოქტომბრის არჩევნების შუალედური არჩევნები იმართება მაჟორიტარული საარჩევნო სისტემით ლაგოდეხის, ადიგენისა და მარტვილის მუნიციპალიტეტებში. საკრებულოების შუალედური არჩევნები ტარდება ლაგოდეხის მუნიციპალიტეტის აფენის თემში, ადიგენის მუნიციპალიტეტის არალის თემსა და მარტვილის მუნიციპალიტეტის კიწიის თემში.

ცენტრალური საარჩევნო კომისიის ცნობით, არჩევნები ტარდება შვიდ საარჩევნო უბანზე, სადაც საერთო ჯამში 6 798 ამომრჩეველია რეგისტრირებული. არჩევნებში სამი საარჩევნო სუბიექტის მიერ წარდგენილი ხუთი კანდიდატი მონაწილეო