"ეროვნულ-დემოკრატიული პარტიის" თავმჯდომარის ბაჩუკი ქარდავა მეუფე იაკობის სკანდალურ განცხადებას ეხმაურება.

ქარდავას შეფასებით, ამდენი სინაგვე რასაც "ქართული ოცნება" ჩადის არცერთ ხელისუფლებას არ ჩაუდენია, მისივე თქმით, ბიძინა ივანიშვილი ებრძვის ყველაფერ ქართულს, ეკლესიას და სახელმწიფოს.

"გახარია, გომელაური, კვირიკაშვილი ბატონ ბიძინას დავალებით საპატრიაქო ტახტის გადატრიალებას გეგმავდნენო..! მოსასმენად მაინც მძიმე აღმოჩნდა, თორემ პატრიარქს რომ დასანახად ვერ იტანს ბიძინა, ეს ხომ ისედაც ცნობილია. ისიც ცხადზე ცხადია, რომ ამდენი და ასეთი სინაგვე არცერთ ხელისუფალს არ ჩაუდენია, ყველა დალაგებას ცდილობდა, მაგრამ ამას კოჭებში ეტყობოდა, რომ შორს წავიდოდა... შიშმა და ღვარძლმა იცის ეს... ლოგიკურია, მოკვლას და დამხობას ეცადა და როგორც ჩანს, რაღაც დოზით განახორციელა კიდეც. ეს კაცი ებრძვის ყველაფერს ქართულს, ეკლესიას, სახელმწიფოს და ასე შემდეგ,მაგრამ ერთმა ხუცესმა ბერმა მითხრა - ეს ისეთ გზას დაადგა, მილიარდების პატრონი ერთი ნაჭერი პურის მათხოვარი რომ გახდეს არ გაგიკვირდესო. ორი წლის წინ ვისაუბრეთ მონასტერში და ეს ბართლომეებმა დღესაც ვერ გაიგეთ?! თუ ფული ჯოჯოხეთს ანათებს..." - აღნიშნა ბაჩუკი ქარდავამ.