"ერთიანი ნაციონალური მოძრაობის" ლიდერები გრიგოლ ვაშაძე და დავით კირკიტაძე რეგიონებში შეხვედრებს განაგრძობენ, ამჯერად ხარაგაულის რაიონული ორგანიზაციის წევრებსა და სოფელ ლეღვანის მოსახლეობას შეხვდნენ.

პარტიამ 2020 წლის არჩევნებისთვის მზადება დაიწყო და ოფისში შეხვედრაზე მთავარი თემა წინასაარჩევნო კამპანიის დაგეგმვა იყო.

სტიქიით დაზარალებული სოფელი დახმარებას ითხოვს, მათი მთავარი პრობლემა სასმელი წყლის არ არსებობა, ზამთრისთვის შეშის მომარაგება და მოუწესრიგებელი გზებია. ადგილობრივი ხელისუფლება მოსახლეობას სასმელი წყლის მილების მოტანას დაპირდა, თუმცა სხვა დაპირებებთან ერთად ესეც არ შეუსრულებიათ.

ენმ ხელისუფლების წარმომადგენლებს მოუწოდებს ადგილზე ნახონ სოფლის მოსახლეობა რა მსგომარეობაშია და სასწრაფოდ დაეხმარონ.