ანაკლიის განვითარების კონსორციუმი გუშინ გავრცელებულ ინფორმაციასთან დაკავშირებით, დამატებით განმარტებას აკეთებს.

„კონსორციუმი კვლავ ადასტურებს მის მიერ გავრცელებულ ინფორმაციას, რომ ტრანზაქცია, რომლითაც „კონტი ჯგუფი“ უნდა გასულიყო პროექტიდან, არ განხორციელდა, შესაბამისად იგი რჩება აქციონერად.

იმის და მიუხედავად, რომ Conti International იტოვებს პროექტიდან გასვლის სურვილს, მსგავსი ტრანზაქცია უახლოეს მომავალში არ იგეგმება.

აღსანიშნავია, რომ „კონტი ჯგუფი“ კვლავაც მხარს უჭერს ანაკლიის ღრმაწყლოვან პორტს და აცხადებს, რომ სჯერა მისი წარმატების" - აღნიშნულია გავრცელებულ ინფორმაციაში.