მღვდელმონაზონი ანდრია არქიმანდრიტ ბართლომეს: "არ შეიძლება სასულიერო პირი დაემსგავსოს ეშმაკს, რომელიც კაცობრიობის მოდგმას მუდამჟამს წყევლის"

პოლიტიკა - 16:36, 25 Oct, 2019

1541

"არ შეიძლება სასულიერო პირი დაემსგავსოს ეშმაკს, რომელიც კაცობრიობის მოდგმას მუდამჟამს წყევლის"- ასე ეხმაურება მღვდელმონაზონი ანდრია სარია არქიმანდრიტ ბართლომე ფირცხალაშვილის საჯარო კომენტარს, სადაც სასულიერო პირმა დაწერა, რომ ანიტა რაჭველიშვილს ყელის კიბო უშველიდა.
მღვდელმონაზონი ანდრია თავის წერილში აღნიშნავს -"ადამიანმა რომ მოინდომოს მისი ბიოგრაფიის შესწავლა მლოცველის ნაცვლად ხელში შერჩება მაწყევარი მღვდელი".
წერილის ბოლოს მღვდელმონაზონი ლოცავს საოპერო ვარსკვლავს, რომელიც არქიმანდრიტმა ბართლომემ შეიძლება ითქვას დაწყევლა.
ქრისტიან სასულიერო პირს მოეთხოვება იყოს მოკრძალებული, მლოცველი, სინანულისკენ მომწოდებელი, მომრიგებელი, შემგონებელი და რაც მთავარია მოსიყვარულე (სითბოს გამტარი). არ შეიძლება სასულიერო პირი დაემსგავსოს ეშმაკს, რომელიც კაცობრიობის მოდგმას მუდამჟამს წყევლის. წლებია თვალს ვადევნებთ არქიმანდრიტ ბართლომეს (ფირცხალაშვილი) მხრიდან გააქტიურებას სწორედ ამ მიმართულებით, რაც სამწუხაროა. ადამიანმა რომ მოინდომოს მისი ბიოგრაფიის შესწავლა მლოცველის ნაცვლად ხელში შერჩება მაწყევარი მღვდელი. მაწყევარი კი, როგორც ვიცით დემონოლოგიის გამაგრძელებელი ხდება ქვეყნად. პოლიტიკოსის შვილის დასაცავად მზად არის დანარჩენი მორწმუნე საზოგადოება წყევლოს. უფალი ძალიან მწარე შეფასებას აძლევს ბოროტი ბაგის მქონეებს: ,, იქედნეს ნაშიერნო, როგორ შეგიძლიათ, თავად უკეთურთ, კეთილი სიტყვის თქმა? ვინაიდან გულის სისავსისგან მეტყველებს ბაგე'' (მთ. 12.34). ეკლესიის მოვალეობაა ადამინებს შორის დათესოს სიკეთე და არა ღვარძლი. უფალი გვაერთიანებს სიკეთეში, ხოლო ეშმაკი გვყოფს. პოლიტიკური კუთვნილების მიუხედავად ჩვენი ვალდებულებაა ადამიანებზე ვიზრუნოთ, ვილოცოთ და უფალს ვთხოვოთ მათი სულისა და ხედვის გამოსწორება.
ჩვენ, ვლოცავთ ქალბატონ ანიტა რაჭველიშვილს და ვუსურვებთ მართლმკვეთელობით ცხოვრებას. უფალმა დაიფაროსო ბოროტისაგან, ამინ!"- წერს სასულიერო პირი.