ერთმანეთს რესტორნის სტუმრები და მუსიკოსები დაუპირისპირდნენ.
არსებული ინფორმაციით, სტუმრებმა კონკრეტული მუსიკის შესრულება მოითხოვეს, რაზეც მუსიკოსებმა უარი განაცხადეს, რის შემდეგაც სტუმრებმა ისროლეს.
ჩვენთვის მოწოდებული ინფორმაციის თანახმად, გასროლა ე.წ. სასტარტო იარაღიდან განხორციელდა.
ჩხუბის დროს რამდენიმე ადამიანი დაშავდა, დაზიანებულია რესტორნის ინვენტარი.
როგორც "ნიუპოსტს" ადგილობრივებმა განუცხადეს, ადგილზე გამოძახებულმა საპატრულო პოლიციის თანამშრომლებმა ორი ადამიანი დააკავეს.
შინაგან საქმეთა სამინისტროს პრესსამსახურში კი გვითხრს, რომ მომხდარ ფაქტზე 2 ადამიანი დააკავეს:
"ორი პირი ადმინისტრაციულ სამართალდარღვევათა კოდექსის 173-ე მუხლის საფუძველზე დააკავეს, (რაც პოლიციის კანონიერი მოთხოვნისადმი დაუმორჩილებლობას გულისხმობს). მომხდარ ფაქტზე გამოძიება სისხლის სამართლის კოდექსის 239-ე ხულიგნობის მუხლით მიმდინარეობს"- აცხადებენ უწყებაში.
მასალის გამოყენების პირობები