რუსი ჰაკერის, იაროსლავ სუმბაევის ადვოკატი ივანე ნორაკიძე რუსეთიდან გამოქმეული მოქალაქის ბედზე პასუხისმგებლობას იუსტიციის მინისტრს აკისრებს.

"ეს ადამიანი აღარ იმყოფება ქართულ ციხეში. როგორც ჩანს ვლადიკავკაზელი ჩინოვნიკის განცხადება აღმოჩნდა მართალი და ხელისუფლებასთან, კონკრეტულად იუსტიციის მინისტრთან შეთანხმებულია სუმბაევის უკანონო ექსტრადაცია. ეს ნიშნავს იმას, რომ ეს იქნება უმძიმესი გადაწყევტილება სტრასბურგის სასამართლოს მხრიდან საქართველოს წინააღმდეგ. უკვე მერამდენედ უნდა მოგვხვდეს მათრახი ევროპული სასამართლოსგან იმ უკანონო ქმედებების გამო, რასაც ჩავდივართ და ვერასდროს ვერ ვსწავლობთ ჭკუას?"- აცხადებს ადვოკატი.

რუსი ჰაკერი, იაროსლავ სუმბაევი რუსეთის მხარეს სავარაუდოდ, უკვე გადასცეს.