ბათუმსა და ქობულეთში გუშინ საღამოს დაწყებული შტორმი მთელი ღამის განმავლობაში გრძელდებოდა. 

ზღვის ღელვა თითქმის სამი საათის განმავლობაში გადაუღებელმა წვიმამ გამოიწვია. შტორმის სიმძლავრე, აჭარის საგანგებო და გადაუდებელი იტუაციების მართვის სამსახურის ინფორმაციით, 5 ბალს აღწევდა. 

ბათუმისა და ქობულეთის ზოგიერთი ქუჩა და ქვეითად მოსიარულეთა ბილიკები დატბორილია. ზოგან, გზის სავალ ნაწილზე ზღვის ბალახი და ნაპირზე გამორიყული ნაგვის ნაღცენებიც ამოიყარა.

ბათუმთან ერთად, ანალოგიური სიტუაცია იყო ქობულეთშიც. საგანგებო სიტუაცათა სამმართველოს ინფორმაციით, მცურავი საშუალებები იახტკლუბებში გადაიყვანეს.

უბედური შემთხვევებისა და სხვა სახის ზარალის შესახებ ინფორმაცია არ გავრცელებულა.