"ოცნების" პოლიტიკა რუსეთის შანტაჟისადმი არის შემრიგებული და კოლაბორაციონისტული" - მედვედევის ღია მუქარას სამხედრო აგრესიის შესახებ ოპოზიციაში ეხმაურებიან

პოლიტიკა - 19:09, 19 Oct, 2019

723

მედვედევის ღია მუქარას სამხედრო აგრესიის შესახებ ოპოზიციაში ეხმაურებიან.
ხელისუფლების ოპონენტები აცხადებენ, რომ ახლა რუსეთი შანტაჟის ენით აყენებს მოთხოვნებს, ხელისუფლება კი არაფერს უპირისპირებს გარდა სიმშვიდისა.

მათი თქმით, ამ სიტუაციიდან გამოსავალი ნატოსთან ურთიერთობის მეტად გაძლიერებაა. ოპოზიციის ლიდერები აღნიშნავენ, რომ როცა გადამწყბეტი მომენტი დგება ნატოსთან ურთიერთობის მხრივ "ქართული ოცნება" მუდმივად უკან იხევს.

"ჩვენი რეჟიმის დამოკიდებულება რუსეთის ამგვარი შანტაჟისადმი არის ისეთი, როგორიც იყო მთელი ამ ხნის განმავლობაში, არის კოლაბორაციონისტული და შემრიგებლური ამ სანტაჟისა და ოკუპაციის მიმართ, სწორედ ამიტომ ახორციელებს იმ პოლიტიკას რამაც დაანგრია ჩვენი ქვეყნის როგორც ეკონომიკა, სოციალური სფერო , ისე ჩვენი პოზიციები საერთაშორისო ასპარეზზე. ამიტომ სჭირდება ჩვენს ქვეყანას პატრიოტული, კომპეტენტური და ქმედითუნარიანი ხელისუფლება და არა ეს კოლაბორაციონისტების, გავრილოვის ბანდა" - აცხადებს ნაციონალური მოძრაობის წევრი გიორგი ბარამიძე.
"ევროპული საქართველოს" ერთ-ერტი ლიდერი, ელენე ხოშტარია ამბობს, მედვედევის განცხადებაზე შიშები არ უნდა გაღვივდეს . მისი თქმით, მოსახლეობას უნდა მიეწოდოს ინფორმაცია იმის შესახებ, რომ მ სწორედ ნატოში შესვლით დავიცავს საქართველო რუსეთისგან თავს.

"ჩვენი ხელისუფლება გარდა იმისა, რომ ნატოში გაწევრიანებაზე არ საუბრობს, გადამწყვეტ მომენტებში პირიქით, ეწინააღმდეგება კიდეც ამას. მედვედევის განცხადებაზე შიშები კი არ უნდა გავაღვივოთ, კარგად უნდა ავუხსნათ მოსახლეობას, რომ სწორედ ნატოში შესვლით დავიცავთ ჩვენს რუსეთისგან თავს" - აცხადებს ელენე ხოშტარია.