„არ გავალთ აქედან… მთავრობა რუსეთის დავალებას ასრულებს და სრულ კომფორტს უქმნის ოკუპანტს“ -დავით ქაცარავა ატოცში არსებულ ვითარებაზე

პოლიტიკა - 17:32, 19 Oct, 2019

727

სოფელ ეტოცში, სადაც რუსმა ოკუპანტებმა მავთულხლართების გავლება დაიწყეს, ქართველი სამართალდამცავები, იქ მყოფ ანტისაოკუპაციო მოძრაობა „ძალა ერთობაშიას“ წევრებს აღარ უშვებენ. დავით ქაცარავას ინფორმაციით, მათი გუნდის წევრები, რომლებიც წყლისა და „პაუერ ბანკების“ ასატანად გავიდნენ, უკან აღარ უშვებენ. ქაცარავა ამბობს, რომ ისინი წლისა და ტანსაცმლის გარეშე არიან დარჩენილი, თუმცა ადილის დატოვებას არ აპირებენ.

„მეგობრებო!

პოლიციამ გაგვაფრთხილა, რომ თუ აქედან, ატოცის ველიდან ჩავალთ, აქ აღარ ამოგვიშვებენ. ჩვენი გუნდის წევრები, რომლებიც ჩავიდნენ ჩვენთვის წყლის და პაუერ ბანკების ამოსატანად, უკან აღარ ამოუშვეს.

მოურიდებლად შემიძლია ვთქვა, რომ მთავრობა რუსეთის დავალებას ასრულებს. უქმნის სრულ კომფორტს ოკუპანტებს და არც ერიდება რამეს.

ჩვენი ტელეფონები ჯდება. პაუერ ბანკები აღარ გვაქვს.

ზუსტად ამას ელოდება პოლიცია რომ გაწყდეს კავშირი.

ჩვენ ფეხს არ მოვიცვლით აქედან.

არც წყალი გვაქვს, არც ღამისთვის ტანსაცმელი.

არ გავალთ აქედან.

იყავით სახლებში. ელოდეთ სანამ მცხეთას შეგვიღობავენ.“ - წერს დავით ქაცარავა სოციალურ ქსელ ფეისბუქში.