"პირველადი ინფორმაციით, მინიმუმ ერთი კვირის ვადით კორპუსი, სადაც აფეთქება მოხდა საცხოვრებლად გამოუსადეგარია"

"პირველადი ინფორმაციით, მინიმუმ ერთი კვირის ვადით კორპუსი, სადაც აფეთქება მოხდა საცხოვრებლად გამოუსადეგარია" - ნაძალადევის რაიონის გამგებელი

პოლიტიკა - 14:56, 19 Oct, 2019

955

ნაძალადევის რაიონის გამგებელი ირაკლი ხელაძე, აცხადებს, რომ გურამიშვილის გამზირზე მდებარე სართულიანი კორპუსი, სადაც აფეთქება მოხდა, მინიმუმ ერთი კვირის ვადით გამოუსადეგარია საცხოვრებლად.

მისი თქმით, ეტაპობრივად ხდება კორპუსის მცხოვრებლების კორპუსში შეშვება იმისათვის, რომ პირველადი დახმარების ნივთები აიღონ.

მისივე თქმით, პირველ ეტაპზე მოსახლეობას სასტუმროებში გადაიყვანენ.

„მოგვიწევს სრულად გამოყვანა ადამიანების. პირველ ეტაპზე, ვინც სურვილს გამოხატავს გადავიყვანთ სასტუმროებში, თუ ერთი კვირის შემდეგ დაიდო ისეთი დასკვნა, რომ შენობა გამოუსადეგარი იყოს საცხოვრებლად, მერე ქირით გავიყვანთ.

ძირითადი პრობლემა აქვს მესამე, მეოთხე და მეხუთე სართულებს, თუმცა იმდენად დაზიანებულია აფეთქების შედეგად, დასუფთავების ღონისძიებებია ჩასატარებელი და საფუძვლიანი დასკვნის გაკეთება ჯერ შეუძლებელია.

სასაქონლო ზარალის ნაწილში ვრთავთ სამხარაულის ეროვნულ ბიუროს, რომელიც დაითვლის ზარალს და შემდეგ გახდება ცნობილი, ვისი მხრიდან იქნება ზარალი ასანაზღაურებელი. ნივთების გამოტანას მოსახლეობა პერიოდულად ახერხებს“, – განაცხადა ხელაძე.