"მთავარი არხის“ ჟურნალისტების პროკურატურაში დაკითხვები გრძელდება - საგამოძიებო უწყების კითხვებს გიორგი გაბუნია პასუხობს

პოლიტიკა - 13:40, 19 Oct, 2019

1973

"მთავარი არხის“ ჟურნალისტების პროკურატურაში დაკითხვები გრძელდება - საგამოძიებო უწყების კითხვებს გიორგი გაბუნია პასუხობს. გიორგი გაბუნია პროკურატურაში ადვოკატთან ერთად მივიდა. გადაცემა "პოსტ ფაქტუმის" წამყვანი პროკურატურაში მოწმის სტატუსით დაიბარეს და გამომძიებლებს მასთან შეკითხვები ტელეკომპანია "რუსთავი2"- ში მუშაობის პერიოდთან დაკავშირებითექნებათ.
გამოძიება რ2-ის კანონიერი ინტერესის საწინააღმდეგოს უფლებამოსილების ბოროტად გამოყენების საქმეზე მიმდინარეობს. ამავე საქმეზე ბრალი წაყენებული აქვს "მთავარი არხის" დამფუძნებელ ნიკა გვარამიას.

გიორგი გაბუნიას საგამოძიებო უწყებაში შესვლისას ჟურნალისტებთან კომანტარი არ გაუკეთებია. მისმა ადვოკატმა კი განაცხადა, რომ კითხვები სავარაუდოდ შეეხება იმ გაცემულ პრემიებს, რომლებიც, რუსღავი2-ის წინა მენეჯმენტის პირობებში გაიცა, თუმცა საძაგლიშვილი აცხადებს, რომ ეს პროცესი რეალურად ნიკა გვარამიას დაჭერის მცდელობას უკავშირდება.

"შეიძლება გამოძიებას აინტერესებდეს როგორ აკეთებდნენ ასეთ წარმატებულ პროდუქტს და რატომ იყო რუსთავი2 ასეთი რეიტინგული მაშინ, როცა ეს ადამიანები მუშაობდნენ ამ არხზე. ამ შემთხვევაში პროკურატურის, როგორც ხელიუსუფლების დავალებების შემსრულებლისაძირითადი მიზანი არის ნიკა გვარამიას დაკავება და ამის მეშვეობით მთავარი არხის განეიტრალება და მისი მაუწყებლობის შეჩეფერხება რაც ვერ მოხერხდა და ვერც მოხერხდება" - განაცხადა დიმიტრი საძაგლიშვილმა.

რუსთავი2-ის საქმეზე პროკურატურაში გამოიკითხნენ, არხის ყოფილი თანამშვრომლები გიორგი ლაფერაშვილი, ნოდარ მელაძე და ზაალ უდუმაშვილი. გიორგი გაბუნიას გამოკითხვა კი მისი ჯანმრთელობის მდგომარეობის გამო ამ დრომდე ვერ მოხერხდა.