გურამშივლის გამზირზე აფეთქების შედეგად დაშავებული 39 წლის სოსო ჯავახიშვილის მდგომარეობა უკიდურესად მძიმეა

პოლიტიკა - 11:38, 19 Oct, 2019

1200

ძლიერი აფეთქება გურამიშვილის გამზირზე - დამწვრობის ცენტრის ექიმის გიორგი დავლიანიძის განცხადებით, აფეთქების დროს დაშავებულ ერთ-ერთ პაციენტის მდგომარეობა, რომელსაც სხეულის 60 პროცენტი აქვს დამწვარი უკიდურესად მძიმეა.

"პაციენტი შემოიყვანეს დილის ცხრა საათზე. დამწვრობა მიღებული აქვს ცეცხლის ალით, სავარაუდოდ, შეიძლება მოხდა აფეთქება, ზუსტად ჩვენ არ ვიცით. მდგომარეობა არის უმძიმესი. იმყოფება დამწვრობითი შოკის მდგომარეობაში. მიმდინარეობს ძლიერი ანტიშოკური თერაპია. მდგომარეობა უმძიმესია, ჯერ რაიმე პროგნოზების გაკეთებაზე ლაპარაკი ადრეა. პაციენტს, 39 წლის მამაკაცს დამწვარი აქვს სხეულის 60 პროცენტი. ჭრილობები უბნობრივად არის სხვადასხვა ადგილას გაფანტული, ასევე აქვს სასუნთქი გზების დამწვრობა", – განაცხადა ექიმმა.

მეზობლების ინფორმაციით, მამაკაცი რომელმა სხეულის მძიმე დამწვრობა მიიღო ბიზნესმენი სოსო ჯავახიშვილია, მათივე ინფორმაციით, გაზდანადგარი სწორედ მის ბინაში აფეთქდა.

აფეთქება თბილისში, გურამიშვილის გამზირეზე დღეს დილით დაახლოებით 08:06 საათზე საცხოვრებელ კორპუსში მოხდა. ოფიციალური ინფორმაციით დაშავებულია 4 ადამიანი.