ლობირებს თუ არა მთავარი პროკურორის მეუღლის იურიდიული კომპანია რაიმე ფირმას - შალვა თადუმაძეს დღეს ამ საკითხზე განმარტების გაკეთება მოუწია.

"გავერკვევი, თუ ლობირებს ჩემი მეუღლე რომელიმე კომპანიას და აუცილებლად დავაყენებ მისი პასუხისმგებლობის საკითხს"- უთხრა ჟურნალისტებს თადუმაძემ და მედიის წარმომადგენელი ინტერპრეტაციაში დაადანაშაულა.

შალვა თადუმაძის თქმით, მისი მეუღლე იურიდიულ კომპანიას ფლობს, უბრალოდ, თავად არ ეწევა იურიდიულ საქმიანობას.

„ეგ თქვენი ინტერპრეტაციაა. მე გავერკვევი, თუ ლობირებს ჩემი მეუღლე რომელიმე კომპანიას და აუცილებლად დავაყენებ მისი პასუხისმგებლობის საკითხს. თქვენს სიუჟეტს შვიდი წელია ვუყურებ და მე მგონი, მეტი სიუჟეტი თქვენ არ გაქვთ, იმიტომ, რომ თქვენ იგონებთ რაღაც ამბებს. მე ხუთი წლის უკან გენერალური პროკურორი არ ვიყავი“, - განაცხადა შალვა თადუმაძემ ჟურნალისტის კითხვის საპასუხოდ.