ხანგოშვილის მკვლელობამდე, რუსული სპეცსამსახურები გენერალ თათუხაშვილს უთვალთვალებდნენ

ხანგოშვილის მკვლელობამდე, რუსული სპეცსამსახურები გენერალ თათუხაშვილს უთვალთვალებდნენ - სად მიდის დაკვეთილი მკვლელობების კვალი

პოლიტიკა - 09:10, 18 Oct, 2019

1125

გერმანიაში, ხანგოშვილის მკვლელობამდე, თითქმის ერთი წლით ადრე, სპეცსამსახურის წარმომადგენელები უთვალთვალებდნენ შინაგანი ჯარების ყოფილ სარდალს გოგი თათუხაშვილს და მის გარემოცვას.

თათუხაშვილის გარემოცვამ შეძლო და აღნიშნული პირი ფოტოზე დააფიქსირა. თათუხაშვილმა ფოტო მასალა ჩეჩნეთის ყოფილი პრეზიდენტის პრესამსახურის უფროსს ხაზმან ბაკაევს გადაუგზავნა, რომელმაც ჩეჩნურ დიასპორაში მოიკითხა და აღმოჩნდა, რომ რუსი ქილერი ჯერ პარიზში მუშაობდა ადამიანებზე, ხოლო შემდეგ სტრასბურგში გადაინაცვალა და ამჯერად უკვე გენერალ-ლეიტენანტ თათუხაშვილს უთვალთვალებდა.

თათუხაშვილმა, რომელიც წლებია სტრასბბურგში ცხოვრობს, სოციალურ ქსელში გაავრცელა აღნიშნული ფოტო მასალა. ქილერის ფოტო ავრელებს ასევე საკუთარი ფეისბუქის გვერდზე ხაზმან ბაკაევი, რომელიც წერს:

რუსი ქილერი, რომელმაც 2019 წლის 23 აგვისტოს ბერლინში ზელიმხან ხანგოშვილი მოკლა, ჯერ კიდევ გასულ წელს, სტრასბურგში, თვალთვალს ახორციელებდა საქართველოს შინაგანი ჯარების ყოფილ სარდალზე, გენერალ-ლეიტენანტ გოგი თათუხაშვილზე. თათუხაშვილის გარემოცვის წევრებმა შეამჩნიეს მათთზე თავლთვალი და აღნიშნული კრიმინალური ჯგუფი ფოტოზე დააფიქსირეს.

ზელმხინ ხანგოშვილი ძმა ასევე ჰყვება, რომ ფოტო რომელიც თათუხაშილის გარემოცვამ გადაიღო ძალიან ჰგავს ქილერს, რომელმაც მისი ძმა მოკლა. „ფორმულასთან“ ხანგოშვილი აცხადებს, რომ ეს იყო რუსული სპეცსამსახურების მეირ დაგეგმილი მკვლელობა და აღნიშნული ქილერი სხვა დავალებებსაც ასრულებდა რუსული სპეცსამსახურებისგან.

დაკვეთილი მკვლელობის მთელ სერიაზე წერს სოციალურ ქსელში AFG გენერალური ასამბლეის აღმასრულებელი დირექტორი, საფრანგეთში მცოხვრები ნუგზარ სულაშვილი:

„გუშინ ავღნიშნე რომ ახალი დეტალები გამოიკვეთა დაკვეთილ მკვლელობებთან დაკავშირებით სადაც საქართველოს ხელისუფლების როლი დღითიდღე არგუმენტირებულად იკვეთება.

გერმანიაში, ხანგოშვილის მკვლელობამდე, სპეცსამსახურის წარმომადგენელები უთვალთვალებდნენ გოგი თათუხაშვილს და მის გარემოცვას.

ახლო მომავალში საზოგადოებისთვის კიდე რამდენიმე ფაქტი გახდება ცნობილი. ველოდები საფრანგეთის სამართალდამცავი ორგანოების გამოძიებას.“ - წერს ნუგზარ სულაშვილი.