ხაბეიშვილი: დედაქალაქის მერმა ოჯახის წევრების სახელით 1.400.000 ლარის ღირებულების სახლი იყიდა

პოლიტიკა - 12:55, 17 Oct, 2019

1787

კახი კალაძის შესაძლო კორუფცია - "ერთიანი ნაციონალური მოძრაობის" საკრებულოს წევრის ლევან ხაბეიშვილის ინფორმაციით, დედაქალაქის მერმა საკუთარი ოჯახის წევრების სახელით თბილისში, ლუბლიანას ქუჩაზე მილიონ ოთხასი ათასი ლარის ლარის საცხოვრებელი სახლი იყიდა.

ხაბეიშვილი მოუწოდებს თბილისის მერს ყველა ლეგიტიმურ კითხვას პასუხი გასცეს.

"ლეგიტიმური კითხვები გვაქვს, პირველი დეკლარაცია როდესაც შეავსო კალაძემ აჩვენა, რომ უკრაინიდან აქვს შემოსავლები, შემდეგ აღმოჩნდა, რომ იმის მეათედი შემოსავალი აქვს უკრაინიდან რაც მან აჩვენა. ან უკრაინაში მალავს შემოსავლებს ან ფულს ათეთრებს პირდაპირი მნიშვნელობით აქ, ნებისმიერ შემთხვევაში ფულის გათეთრებასთან გვაქვს საქმე.

გუშინ ბრიტანულმა არბრიტაჟმა ფაქტობრივად ბრალი დასდო მის მეჯვარეს, ვგულისხმობ წულაიას და მისი ოჯახის წევრებს იმაში, რომ ისინი კალაძის ბანკის მეშვეობით და ფულს ათეთრებდნენ. მესამე, უკვე ერთი კვირის წინ, მისმა სიდედრმა, შეიძინა მილიონ ოთხასი ათასი ლარის ლარის ღირებულების ქონება, საიდან მოვიდა ეს ყველაფერი?

ბუნებრივია, ლეგიტიმურად გვიჩნდება კითხვა, რომ ეს კაცი ფულს ხომ არ ათეთრებს? იპარავს? - ჩვენ გვაქვს წარმოდგენა, მაგრამ სამართალდამცავებს ხო უნდა ჰქონდეთ კითხვები? სიღარიბით სავსე ქალაქში როგორ ახერხებენ? ორი ბინა ლუბლიანაზე, რომელიც არის 301 და 345 კვადრატული...

შესაბამისად ეს წრე, რომელიც იკვრება, გვაფიქრებინებს, რომ შესაძლოა კორუფციასთან გვქონდეს საქმე და ამაზე კალაძემ პასუხი უნდა გასცეს" - განაცხადა ლევან ხაბეიშვილმა.