"პროგრეს ბანკი" და ივანიშვილი - მილიარდერი ფულის გათეთრებაში უშუალოდ მონაწილეობდა?

პოლიტიკა - 12:11, 16 Oct, 2019

2276

ფულის გათეთრების სქემა და ბიძინა ივანიშვილი - სკანდალური ჟურნალისტური გამოძიება დღის მთავარი თემა ხდება.

როგორც ირკვევა „პროგრეს ბანკში“ 22% ბიძინა ივანიშვილს ეკუთვნოდა, 78% კი პანამაში რეგისტრირებულ კომპანიას, რომლის უკანაც რუსეთში ფულის გათეთრებაში ეჭვმიტანილი ილია გავრილოვი იდგა.

არსებობს ლეგიტიმური ეჭვი, რომ ფულის გათეთრებაში უშუალოდ ბიძინა ივანიშვილი მონაწილეობდა და საკუთარი შავი ფულისთვის ლეგალური სახის მიცემას ცდილობდა. ეროვნულმა ბანკმა კი ეს ინფორმაცია დამალა.

"შეაჩერე კორუფციას" წარმომადგენელი, ქეთევან ენუქიძე ამბობს, რომ არ არის გამორიცხული ფულის გათეთრებაში უშუალოდ ბიძინა ივანიშვილი ყოფილიყო ჩართული.

"ობშორულ ზონებში რეგისტრირებული კომპანიები, მთელი მსოფლიოსთვის თავსატეხს სწორედ იმიტომ წეარმოადგენს. ამ საქმში არსებობს ძალიან ბევრი კითხვა, რადგან ეს ინფორმაცია არის დაფარული.

ჩვენ ჩვენი თავსატეხი გვაქვს, როცა საქართველოში ხდება ასეთი რამ. როდესაც ამ კატეგორიის ბანკთან არის დაკავშირებული ქვეყნის ფაქტობრივად პირველი პირი, ბუნებრივია ჩნდება კითხვა რაში მდგომარეობდა მისი ინტერესი?!

რატომ არ შეიძლება ბიძინა ივანიშვილთან იყოს დაკავშირებული? გავრილოვისა და ბიძინა ივანიშვილის სახელების ერთად მოხსენიება უკვე იმხელა სკანდალია, რომ როემლიმე კომპანიასთან ივანიშვილის ასოცირება ბუნებრივი და ორგანული უნდა იყოს"- აცხადებს ენუქიძე.

საქმეზე გამოძიების დაწყების აუცილებლობაზე საუბრობს "გამჭვირვალეობა საქართველოს" დირექტორი, ეკა გიგაური.

"ყველა ნორმალურ ქვეყანაში ასეთი სკანდალური დოკუმენტების გავრცელების შემთხვევაში მინიმუმ ბრიფინგი უნდა ინიშნებოდეს გამოძიების დაწყებასთან დაკავშირებით"- ამბობს გიგაური.

“მთავარი არხის" მიერ მოპოვებული დოკუმენტები შეიცავს ბანკში 2016 წელს ჩატარებული აუდიტორული დასკვნას, საიდანაც დგინდება, რომ უცხოელი ექსპერტები ბანკის ტრანზაქციების ნაწილს კრიტიკულად საფრთხის შემცველად მიიჩნევენ ფულის გათეთრების რისკების გამო.

„პროგრეს ბანკი“ 2007 წელს კახა კალაძემ დააფუძნა. 2013 წელს კახა კალაძემ ბანკის საკონტროლო პაკეტი 78% ოფშორში რეგისტრირებულ კომპანიას გადასცა, რომლის უკანაც ილია გავრილოვი იდგა. ამავე დროს ბანკის 22%-ის მფლობელი ბიძინა ივანიშვილი გახდა.

2016 წელს „პროგრეს ბანკის“ აქციების ნაწილი მამუკა ხაზარაძემ „ბანკ რესპუბლიკასთან“ ერთად იყიდა.