"ერთიანი ნაციონალური მოძრაობის" წევრის თინა ბოკუჩავას აზრით, პოლიტიკური ამნისტია ამა თუ იმ პოლიტიკოსის გადასაწყვეტი არ არის.

„ჩვენი შემოთავაზებაა, პარლამენტის, ომბუდსმენისა და არასამთავრობო სექტორის ჩართულობით დროებითი პალატა შეიქმნას, რომელიც ამ საკითხებზე გადაწყვეტილებას მიიღებს, რადგან არც ბოკერიას, არც ბოკუჩავას გადასაწყვეტი არ არის სისხლის სამართლის პასუხისმგებლობის საკითხები. სისხლის სამართლებრივ პასუხისმგებლობის საკითხს თუ კორუფციული დანაშაულის შესახებ გადაწყვეტილებებს პოლიტიკოსები არ უნდა იღებდნენ, ეს არის ან პოლიტიკური დევნა ან ინდულგენცია, რასაც გიგა ბოკერია გვთავაზობს. ეს უფლება სამართლიან სასამართლოს უნდა ჰქონდეს, ეს როგორც დემოკრატიულ ქვეყნებში ხდება" - აღნიშნა ბოკუჩავამ.