„ირაკლი კობახიძის საარჩევნო არითმეთიკა და მისი პროგნოზი უკვე ფანტასტიკის სფეროც აღარ არის. მან გუშინ განაცხადა, რომ მანდატების 45% -ს „ქართულ ოცნება“ მოიპოვებს, დღეს გამოგვიცხადა, რომ 60 %-ს მოიპოვებს, ხოლო დანარჩენ 20-20%-ს ოპოზიციური პარტიები გაიყოფენ. ირაკლი კობახიძის პროგნოზი რეალობას აბსოლუტურად მოწყვეტილია და ის პროცენტები რაზეც საუბრობს განხილვასაც არ ექვემდებარება“. - აცხადებს „ერთიანი საქართველო-დემოკრატიული მოძრაობის“ ლიდერი ნინო ბურჯანაძე.

ნინო ბურჯანაძე იხსენებს 2016 წლის საპარლამენტო არჩევნების წინა პერიოდს, როდესაც ირაკლი კობახიძე დაეუმქრა, რომ ის და მისი გუნდი არ იქნებოდნენ პარლამენტში. დღეს ნინო ბურჯანაძე გაფრთხილებას უგზავნის ირაკლი კობახიძეს და მის გუნდს, იმ ადამიანებს, ვინც ემზადება 2020 წლის არჩევნების შედეგების გასაყალბებლად.

„მე კარგად მახსოვს ირაკლი კობახიძის 2016 წლის მუქარა და ახლა მე ვაფრთხილებ, ნუ შეეცდება იგივეს. თუ ხელისუფლება კვლავ შეეცდება არჩევნების გაყალბებას და ოპოზიციურ პარტიების ხმებს ისე მიიტაცებენ, როგორც ეს 2016 წელს გააკეთეს, ხელისუფლებას ეს ძალიან ძვირად დაუჯდება. „ქართული ოცნება“ აუცილებლად გადჰყვება თავისავე გაყალბებულ არჩევნებს“. - აცხადებს ნინო ბურჯანაძე.

მისი განმარტებით, ირაკლი კობაიძის განცხადება დაახლოებით ორი კურდღლის დაჭერის მცდელობას ჰგავს. პირველი, ის რომ ხელისუფლებას სურს ამომრჩეველი შეაგუოს რომ უმრავლესობაში კვლავ „ქართულლი ოცნება“ იქნება და მეორე, ხელისუფლება ცდილობს ოპოზიციური პარტიების დაშინებას, თუ პატარა პარტიები ხელისუფლების ყველა პირობას მორჩილად არ მიიღებენ, ვადამდელი არჩევნები გარადუალი იქნება და შემდეგ 5 % ბარიერის გადალახვა პარტიებს გაუჭირდებათ“. - აცხადებს „ერთიანი საქართველო-დემოკრატიული მოძრაობის“ ლიდერი ნინო ბურჯანაძე.