ატოცში ანტიოკუპაციური პატრულირების გამო თავდაცვამ 14-წლიანი სტაჟის მქონე სერჟანტი გაათავისუფლა

პოლიტიკა - 12:30, 14 Oct, 2019

2170

თავდაცვის სამინისტროს სერჟანტს 37 წლის ვალერიან ჯალაღონიას 14 წლიანი კარიერის შემდეგ, უწყების დატოვება მოუწია.

საქმე ეხება, ახალგაზრდა ბიჭის ატოცში ანტისაოკუპაციო მოძრაობასთან ერთად პატრულირებას, რის შემდეგაც სერჟანტმა უშუალოდ ხელმძღვანელობისგან გაფრთხილება მიიღო, რომ თუ ასეთი ფატი განმეორდებოდა მას სამსახურის დატოვება მოუწევდა.

ანტისაოკუპაციო მოძრაობის წევრის დავით ქაცარავას თქმით, ხელისუფლება ამგვარი ქმედებებით, მერამდენედ ამტკიცებს, რომ ის კოლაბორაციონისტი და კაპიტულანტია და საქართველოს აბარებს რუსეთს.

"თავდაცვის სამინისტრომ საჰაერო თავდაცვის სერჟანტი, ვალერიან ჯალაღონია,რომელიც შეიარაღებულ ძალებში 14 წელი მსახურობდა,გაანთავისუფლა სამსახურიდან მხოლოდ იმიტომ, რომ სამსახურიდან თავისუფალ დროს ატოცში ამოვიდა ანტისაოკუპაციო მოძრაობა "ძალა ერთობაშია" წევრების გასამხნევებლად.

არ გამიკვირდება, არც თუ ისე შორეულ მომავლის, ერთ მშვენიერ დღეს თავდაცვის მინისტრი თუ გამოგვიცხადებს, აღარ გვინდა ნატოში, აღარც აშშ ა ჩვენი პარტნიორი და მოდი რუსებთან ვიმეგობროთო..

დარწმუნებული ვარ, ეს ახალი მინისტრის გუნდის გადაწყვეტილებაა და ის მეომრები, ვისითაც საქართველო ამაყობს, არ იზიარებენ ამ სამარცხვინო გადაწყვეტილებას.

ვიზიარებ თქვენს წუხილს და გულისტკივილს, თქვენი თავდაცვის მინისტრი რუსების არგაღიზიანების პოლიტიკის გამტარია!

ხელისუფლება კი მერამდენედ ამტკიცებს, რომ ის კოლაბორაციონისტი და კაპიტულანტია და საქართველოს აბარებს რუსეთს" - განაცხადა დავით ქაცარავამ.

ვალერიან ჯალაღონიას პატაკი 2 ოქტომბერს დაუკმაყოფილეს, სადაც დეტალურად აღწერა რატომ უწევდა სამსახურის დატოვება და უშუალოდ ვისგან მიიღო გაფრთხილებები.

37 წლის სერჟანტს უწყებაში განუმარტეს, რომ ამ ამბის გახმაურება სკანდალს გამოიწვევდა.

"მითხრეს, რომ თუ მომავალში ასეთი ფაქტები განმეორდება შენ მოგიწევს ჩვენი რიგების დატოვება. არ გვაქვს უფლება კონტაქტი გვქონდეს ასეთ ხალხთან, პირადად დავით ქაცარავა აკეთებს პოლიტიკურ განცხადებებს ამიტომ შენი იქ ყოფნა არ შეიძლება" - აღნიშნავს სერჟანტი.
ტელეარხ "მთავარზე" ამ ფაქტის შესახებ მომზადდა სიუჟეტი, რომელიც მასალას თან ერთვის.