ეროვნული ბანკი ახალ შენობას ყიდულობს - ოპოზიცია კორუფციასა და თანხების გაფლანგვაზე საუბრობს

პოლიტიკა - 19:36, 12 Oct, 2019

1468

ეროვნული ბანკი ახალ შენობას ყიდულობს. ბანკი ამისთვის, მილიონობით ლარს დახარჯავს. უკვე ნაყიდია მიეის ნაკვეთი, რომელშიც მთავარმა საფინანსო უწყებამ 25 მილიონი ლარია გადახდილი, დამხმარე ნაგებობის ასაშენებლად კი 50 მილიონი ლარი დაიხარჯება.

ახალი ოფისი ცირკსა და მტკვარს შორის არსებულ მიწის ნაკვეთზე აშენდება. ოპოზიცია კორუფციასა და თანხების გაფლანგვაზე საუბრობს.

"ეს არის ჩვენი მოსახლეობის აბუჩად აგდება, რომ დავხარჯოთ 80 მილიონი ეროვნულ ბანკზე , რომელმაც ერთი თეთრითაც ვერ გაამყარა ლარი და ყოვედღიურად უძვირებს ცხოვრებას მოსახლეობას. ეროვნულმა ბანკმა ჯერ კიდევ შარშან მისცა მერიას უფლება, რომ იუსტიციის სახლთან ჩადგმულიყო მახინჯი შენობა. ეხლა გვეუბნებიან, რომ იუსტიციის სახლის ნაწილი სადაც აქვთ სათაო ოფისი და ალბათ იქ სახინკლეს გაგვიხსნიან. ეხლა გვეუბნებიან, რომ იყიდეს მიწა 25 მილიონ ლარად, სადაც დამატებით უნდა დაიხარჯოს სოლიდური თანხა, რომ აშენდეს შენობა." - აცხადებს "ერთიანი ნაციონალური" მოძრაობის წევრი ზურაბ ნადირაძე.
ეროვნულმა ბანკმა საგანგებო გაცხადებით უპასუხა ბრალდებებს, რომელიც მთავარი საფინანსო ინსტიტუტის მისამართით ისმის. განცხადებაში ნათქვამია, რომ ი ბანკი თანხის ნაწილს გადაიხდის ძველი ოფისის რეალიზებისთვის, საუბარია იუსტიციის სახლში მდებარე ცენტრალურ ოფისზე. განცხადებაში აღნიშნულია, რომ 6000 კვადრატული მეტრის ფართი გაიყიდება და აქედან დაიფარება ნაწილი. რაც შეეხება მიწის ნაკვეთის ყიდვას, რომელშიც გადახდილია 25 მილიონი ლარი, ეროვნული ბანკი განმარტავს, რომ მიწის ყიდვა მოხდა კანონის სრული შესაბამისობით.