ხაშურში მომხდარი საზარელი ფაქტის ახალი დეტალები - ყოფილმა ქმარმა ცოლს ხელყუმბარა ესროლა, შემდეგ კი თავში დაჭრა

კრიმინალი - 15:20, 11 Oct, 2019

2912

პოლიცია და გამნაღმველები მუშაობენ ამ წუთებში ხაშურის ცენტრში, სადაც რამდენიმე საათის წინ, ირაკლი დეკანოიძემ 30 წლის ყოფილი მეუღლე, ნათია გოგალაძე დაჭრა.

როგორც "ნიუპოსტმა" გაარკვია, ახალგაზრდა კაცმა, რომელიც ამ დრომდე თავისუფალია, სილამაზის სალონში, სადაც ყოფილი ცოლი იმყოფებოდა ხელყუმბარა შეაგდო.

როგორც ადგილობრივები ყვებიან, მას შემდეგ რაც ასაფეთქებელი მოწყობილონბა არ აფეთქდა, დეკანოიძემ ყოფილ ცოლს მრავლობითი დაზიანება ბლაგვი საგნით მიაყენა და მისი მისამართით ცეცხლსასროლი იარაღიდან ისროლა.
სწორედ აღნიშნული ხელყუმბარის განაღმვას ცდილობენ სპევიალისტები. კორპუსიდან მოსახლეობის ევაკუაციაც განხორციელდა.

თვითმხილველების ნაწილი აცხადებენ, რომ მათ რამდენიმე გასროლის ხმაც გაიგეს.

ირკვევა ისიც, რომ ცოლ-ქმარი ერთმანეთს 5 წლის წინ დაშორდა, თუმცა ისინი ოფიციალურად დღეს უნდა გაშორებულიყვნენ.

ჩვენთვის მოწოდებული ინფორმაციის თანახმად, ცოლ-ქმარი განქორწინების პროცესში იყვნენ. კონფლიქტი კი ბავშვების წაყვანის თემზე დაიწყო. ნათი გოგალაძე კი წლების განმავლობაში საბერძნეთში ცხოვრობდა და საქართველოში რამდენიმე დღის წინ ჩამოვიდა.

შსს-მ ფაქტზე გამოძიება სისხლის სამართლის საქმე 19-108-ე მუხლით დაიწყო, რაც განზრახ მკვლელობას გულისხმობს.

ნათია გოგალაძის მდგომარეობა უმძიმესია. ახალგაზრდა ქალი სიკვდილს ებრძვის.