მელია - სასამართლოზე: ეს ივანიშვილის კერძო უწყებაა, სადაც ის წყვეტს, ვინ დაიჭიროს და ვინ არა..."

პოლიტიკა - 12:03, 10 Oct, 2019

1018

თბილისის საქალაქო სასამართლოში, 20 ივნისის საქმესთან დაკავშირებით გაერთიანებული ოპოზიციის ლიდერის და "ერთიანი ნაციონალური" მოძრაობის პოლიტსაბჭოს თავმჯდომარის ნიკა მელიას ბრალდების საქმე ზეწინასასამართლო სხდომა იმართება. მელია სასამართლოში შმაქსით წავიდა.

სასამართლოში შესვლის წინ მელიამ ჟურნალისტებთან კომენტარი გააკეთა და განაცხადა, რომ ეს არის წმინდა წყლის პოლიტიზირებული საქმე. სასამართლო კი არის ივანიშვილის კერძო უწყება სადაც ის წყვეტს, ვინ დაიჭიროს და ვინ არა.

"ამ საქმესთან დაკავშირებით ყველაფერი ცხადზე უცხადესია და ალბათ კომენტარსაც კი არ საჭიროებს. ეს არის წმინდა წყლის პოლიტიზირებული საქმე, ისევე როგორც ათეულობით საქმე და ვიდრე ჩვენ ვსაუბრობთ, უკვე იხილება საქალაქო სასამართლოში სხვადასხვა აქტიური პირის მიმართ, რომლები ივანიშვილის ოპოზიციაში არიან, ადამიანის, რომელმაც გადაწყვიტა რომ იქცეს ფეოდალად, დანიშნოს საკუთარი მოსამსახურე პერსონალები მინისტრებად და ჩამოაყალიბოს არა უბრალოდ რაღაც რეჟიმი, რომელიც ექვემდებარება ერთ ადამიანს, არამედ კრიმინალური რეჟიმი, რეჟიმი სადაც პოლიციელები ადამიანებს იტაცებენ, კრიმინალებს გადასცემენ და მერე ის კრიმინალები ამ ადამინს კლავენ. რეჟიმი სადაც ხედავთ, რომ პარლამენტში ფოტოებს მალულად უღებენ, არასამთავრობო ორგანიზაციების წარმომადგენლებს, პოლიტიკოსებს და მერე აკეთებე შავ პიარს. მე რომ ვთქვა, რომ სასამართლოში მივდივარ ეს არის თავის მოტყუება ეს არანაირი სასამართლო არ არის, ეს არის ივანიშვილის კერძო უწყება სადაც ის წყვეტს, ვინ დაიჭიროს და ვინ არა. ივანიშვილი ძალიან მალე დარწმუნდება რომ ეს დროებითია, ამით იგი ვერავის დააშინებს” – აცხადებს მელია.

შეგახსენებთ, რომ ოპოზიციონერ პოლიტიკოსს ბრალად ედება 20-21 ივნისს, საქართველოს პარლამენტთან გამართულ აქციაზე ჯგუფური ძალადობის ორგანიზება, ხელმძღვანელობა და უშუალო მონაწილეობა. საქმე სისხლის სამართლის 225-ე მუხლითაა აღძრული.