იუსტიციის უმაღლესი საბჭოს არამოსამართლე წევრი ნაზი ჯანეზაშვილი, მამუკა მდინარაძის მიერ გავრცელებულ ინფორმაციას იმის შესახებ, რომ მან იგივე უნივერსიტეტი დაამთავრა რაც შალვა თადუმაძემ არ უარყოფს.

ჯანეზაშვილი "ნიუპოსტთან" საუბარში აღნიშნავს, რომ მართალია საქართველოში იმ დროს ნოდარ დუმბაძის სახელობის თბილისის ჰუმანიტარული ინსტიტიტი პრესტიჟული არ იყო, თუმცა, მას მეტის ფინანსური საშუალება არ ჰქონდა.

"1997-2002 წლებში დიახ, მე ვსწავდლობდი ამ უნივერსიტეტში 5 წლის განმავლობაში, როგორც დღეს მაშინაც არსებობდა კერძო და სახელმწიფო უნივერისტეტები. იმ დროს რა საშუალებაც ჰქონდა ჩემ ოჯახს და ჩემ მშობლებს, რომლებიც ნამდვილად არ იყვნენ მაღალი ფენის წარმომადგენლები და დღესაც არ არიან იმ უნივერსიტეტში ვწავლობდი რაც შემეძლო ვინაიდან სწავლა ყოველთვის არის დამოკიდებული შესაძლებლობებზე ამიტომ რისი შესაძლებლობაც მქონდა იქ ვისწავლე მაგრამ მე ამაზე არ გავჩერებულვარ და ვიღებდი ძალიან ბევრ კონკურსში მონაწილეობას რაც ძალიან შრომატევადი იყო და ჩავაბარე კიდეც ვარშვის უნივერსიტეტში, სადაც ვისწავლე სამართალი ერთი წლის განმავლობაში და ეს არ იყო ჩემი ფულით, ერთი ლარი არ გადამიხდია, მოვიპოვე ძალიან პრესტიჟული სტიპენდია პოლონურ-ამერიკული დაფინანსება და ერთი წელი ვწავლობდი იქ. ის უნივერსიტეტი, რომელიც მე საქართველოში დავამთავრე, ნამდვილად არ იყო პრესტიჟული მაგრამ, მე მაქვს პრეტენზია, რომ უცხოეთში ვისწავლე პრესტიჟულ უნივერსიტეტებში. 2009 წელს ერთი სემესტრი სტიპენდიით ვწავლობდი კოლუმბიის უნივერსიტეტში, სულ 9 ადამიანი შეარჩიეს და ერთი აქედან სწორედ მე ვიყავი, ამის შემდეგ დოქტორანტურაზე ჩავაბარე კავკასიის უნივერსიტეტში და ახლა ვარ თემის დაცვის ეტაპზე, 2016 წელს კი წავედი ამერიკაში ისევ სტიპენდიით და ვწავლობდი ჯერ მონტანას უნივერსიტეტში და შემდეგ, ამერიკულ უნივერსიტეტში სამართალზე“ - აღნიშნა ნაზი ჯანეზაშვილმა.