ადვოკატ მარიამ კუბლაშვილმა, რომელიც "ქართული ოცნების" დეპუტატის ილია ჯიშკარიანის უფლებას იცავს On.ge-ს კითხვას ქალზე ძალადობის საქმეზე დისკომფორტის შექმნასთან დაკავშირებით უპასუხა.

"დისკომფორტი არ მაქვს, როცა ქალი ადამიანს იმეტებს იმისთვის, რომ საკუთარი ნების განსახორციელებლად გაწიროს მამის ხელა კაცი. დააბრალოს ის, რაც მას ნამდვილად არ ჩაუდენია, დაესხას თავს და შემდეგ თავი მსხვერპლად წარმოაჩინოს, მე არ მიმაჩნია, რომ ამ ქალის წინაშე რაიმე სახის უხერუხლობა უნდა მქონდეს" - აღნიშნა ადვოკატმა.

თბილისის საკრებულოს დეპუტატს, ილია ჯიშკარიანს მისი ბიუროს თანამშრომელი თამთა თოდაძე სექსუალურ და ფიზიკურ ძალადობაში ადანაშაულებს. პროკურატურას თოდაძისთვის დაზარალებულის სტატუსი ამ დრომდე არ მიუნიჭებია, ბრალი არ აქვს წარდგენილი არც ილია ჯიშკარიანს.

ჯიშკარიანის თანაშემწეს ძალადობის კვალი მომხდარიდან ერთი კვირის თავზეც ეტყობა და მას სამხარაულის ექსპერტიზის დასკვნაც ადასტურებს.

ილია ჯიშკარიანი გაუპატიურების მცდელობას უარყოფს და ყოფილ თანაშემწეს შანტაჟშიც კი ადანაშაულებს. საკრებულოს დეპუტატს პროკურატურამ ბრალი გუშინ წარუდგინა.

თამთა თოდაძის ინტერესებს არასამთავრობო ორგანიზაცია "საფარი" იცავს.