თამარ ჩუგოშვილმა ნიკა გვარამიასთან პირობა დადო - "შევთანხმდეთ, გავიაროთ საკითხები"

პოლიტიკა - 15:26, 09 Oct, 2019

1295

"მედია თავისუფლება სამხრეთ კავკასიაში" - ამ თემაზე თბილისში კონფერენცია იმართება.

ფორუმის სპიკერი იყო თამარ ჩუგოშვილი, რომელმაც თავისი გამოსვლისას წინა ხელისუფლების დროს არსებულ დარღვევებზე ისაუბრა. ხოლო ჟურნალისტების კითხვაზე თვლიდა თუ არა ის რომ "მთავარის" გენერალურ დირექტორს, რომელსაც მუდმივად უწევს პროკურატურის შეკითხვებზე პასუხის გაცემა მან განაცხადა, რომ "მთავარი" მიკერძოებულია და ჟურნალისტებმა აქეთ უნდა გასცენ უწყების შეკითხვებს.

"ჯერ პროკურატურას გაეცით პასუხი რაც პროკურატურას აქვს თქვენთან დაკავშირებით, გაეცით რა ფინანსური ოპრაციები იყო რა ხდებოდა და უპასუხეთ ამ კითხვებს, ჯერ თქვენ დარწმუნეთ საზოგადოება, რომ მართლები ხართ და არანაირი ფინანსური მაქინაციები არსებობდა და მერე წაუკითხეთ სხვას მორალი. მე ვემხრობი იმას, რომ პასუხი უნდა გასცეთ იმ კიტხვებს, რომელიც არსებობს" - მიმართა ჩუგოშვილმა "მთავარის" ჟურნალისტს.

აღნიშნულ კონფრენციას ესწრებოდა ნიკა გვარამია, რომელმაც თამარ ჩუგოშვილისგან მოითხოვა, რომ დაინტერესდეს მის მიმართ დაწყებული სამართლებრივი დევნის სამართლებრივ მიმდინარეობაზეც რაზეც ვიცე-სპიკერმა პირობა მისცა, რომ დაინტერესდება ამ საქმით.

"შევთანხმდით, გავიაროთ საკითხები" - აღნიშნა თამარ ჩუგოშვილმა.

ორდღიან ღონისძიებაზე ექსპერტთა ოთხი ჯგუფი განიხილავს შემდეგ თემებს: ციფრული ტექნოლოგიების ხანაში ახალი ამბების შექმნა და გავრცელება, ჟურნალისტების უსაფრთხოება პოლიტიკური ცვლილებების დროს, მედიის თავისუფლებისა და პლურალიზმის უზრუნველსაყოფად სამართლებრივი მარეგულირებელი გარემოს შექმნა, მედიის თავისუფლების თვალსაზრისით რეგიონში მიმდინარე მოვლენების ზოგადი მიმოხილვა.