"ეს აღიარებაა! თქვენ არ იცნობთ სასამართლოს გადაწყვეტილებას" - კამათი ნიკა მელიას საქმეზე თადუმაძესა და გოცირიძეს შორის (ვიდეო)

პოლიტიკა - 15:17, 09 Oct, 2019

1611

ნიკა მელიას შინაპატიმრობა იყო ერთ-ერთი მთავარი თემა, რომლის ირგვლივაც დეპუტატებმა მოქმედ პროკურორისა და უზენაესი სასამართლოს მოსამართეობის კანდიდატს კითხვები დაუსვეს.
რომან გოცირიძე დაინტერესდა აქვს თუ არა პროკურატურას უფლება, დეპუტატს პარლამენტში მოსვლა აუკრძალოს.

"პირადად მაქვს მითითება მიცემული და ნიკა მელია პარლამენტში მოსვლასთან დაკავშირებით არ სარგებლობს პროკურატურასთან შეთანხმებით" - უთხრა თადუმაძემ დეპუტატს.

რომან გოცირიძემ კი აღნიშნა, რომ "პროკურორი იტყუება".

ოპოზიციის ინფორმაციით, პარლამენტში მოსასვლელად მელიამ პროკურორს უნდა მიმართოს.

თადუმაძემ კი აღიარა, რომ ნიკა მელიას შეუძლია საპარლამენტო საქმიანობა პროკურატურასთან შეთანხმების გარეშე განახორციელოს.

„არ არსებობს არც ერთი შემთხვევა, როცა ნიკა მელიამ მიმართა პროკურორს, უთხრა, რომ მიდიოდა პარლამენტში საპარლამენტო საქმიანობის განსახორციელებლად და პროკურორმა უთხრა უარი,“- აცხადებს შალვა თადუმაძე. მისივე თქმით, პროკურატურას არ აქვს უფლება ნიკა მელიას უარი უთხრას პარლამენტში მისვლაზე.

"ეს სხვა ამბავია, ეს არის აღიარება"- თქვა გოცირიძემ.

„თქვენ არ იცნობთ სასამართლოს გადაწყვეტილებას, იქ წერია, რომ ნიკა მელიას აქვს ვალდებულება, ნებისმიერი მისი გადაადგილება, მათ შორის პარლამენტში, შეათანხმოს საგამოძიებო ორგანოსთან,“ - განაცხადა რომან გოცირიძემ.