ზაზა სარალიძე მისი შვილის მკვლელობასთან დაკავშირებული მასალების გასაცნობად შინაგან საქმეთა სამინისტროში მივიდა.

შვილმოკლული მამა დღეს გაიგებს, თუ რას წერდნენ მკვლელობის დღეს მოზარდები ერთმანეთს.

ცნობისთვის, ხორავას ქუჩაზე დავით სარალიძის მკვლელობის საქმეზე ამერიკის შეერთებული შტატების გამოძიების ფედერალური ბიუროს შუამდგომლობით, მიიღეს „ინსტაგრამიდან“ 4 პირის პირადი მიმოწერა.

ნესტან ლონდარიძე ამბობს, რომ მიმოწერა, რომელიც ამერიკის ფედერალური ბიუროს საშუალებით "ინსტაგრამიდან" ამოიღეს, ძალიან მნიშვნელოვანია.

"დღეს ჩვენ გავეცნობით მიმოწერას, რომელიც ბავშვებმა აწარმოეს ერთმანეთში დანაშაულის დღეს და შემდგომ დღეებშიც. საუბარია 4-5 არასრულწლოვნის ჩანაწერზე. მათ შორის არის მიხეილ კალანდიას ჩანაწერები"- განაცხადა სარალიძემ.