მაჩალიკაშვილმა უარი თქვა, კომიტეტის სხდომას დარბაზის ლოჟაში მჯდარი დასწრებოდა

პოლიტიკა - 11:33, 09 Oct, 2019

918

მალხაზ მაჩალიკაშვილმა პარლამენტის მეხუთე სართული, სადაც იურიდიული კომიტეტის სხდომათა დარბაზია განთავსებული ისე დატოვა, რომ მას იურიდიულ საკითხთა კომიტეტის სხდომაზე დასწრების საშუალება არ მიეცა.

შვილმოკლული მამისთვის მიუღებელი აღმოჩნდა შეთავაზება, რომლის მიხედვითაც სხდომას, სადაც უზენაესი სასამართლოს მოსამართლეობის კანდიდატს, შალვა თადუმაძეს უსმენენ, დასწრებოდა არა უშუალოდ კომიტეტის დარბაზში, არამედ აივნიდან.

მაჩალიკაშვილის თქმით, სურდა თვალებში ჩაეხედა თადუმაძისთვის და მოესმინა მისგან პასუხები, თუმცა ამის საშუალება არ მისცეს.

მაჩალიკაშვილი პარლამენტში რჩება, მის კითხვებს კი ბოკუჩავა დასვამს:

"მე პარლამენტს არ დავტოვებ, პარლამენტში დავრჩები. ამათ კარგად იციან, რა კითხვებიც მქონდა, თუ მომეცებოდა ამის საშუალება, თუ არადა, თავს შეივკავებდი…. კითხვები ბევრი მაქვს, თადუმაძესთანაც, დეპუტატებთანაც, სისტემათაც, მაგრამ პასუხის გამცემი არავინაა. ამათ თვალებში შემოხედვაც კი ეშინიათ, სრული ამ სიტყვის მნიშვნელობით. ეშინიათ… ეს სამარცხვინო ფაქტი მათ აშინებთ, რა კითხვის დასმას ვაპირებდი … რაკიღა არ მომეცა საშუალება, რომ დავჯდარიყავი და შემეხადა ადამიანის თვალებშიც,“ - აცხადებს მალხაზ მაჩალიკაშვილი.