ანტისაოკუპაციო მოძრაობის წევრები დავით გარეჯში დღეს აქციას გამართავენ. მათი პროტესტის მიზეზი აზერბაიჯანული მხარის მიერ ჯერაც სადავო ტერიტორიაზე სასაზღვრო ნაგებობებვის, ანტიოკუპაციური მოძრაობის წევრების თქმით, ბაზის მშენებლობაა.

აქციაში მონაწილეობას ადგილობრივი სამოქალაქო აქტივისტებიც მიიღებენ.

ამის პარალელურად საქართველოს პრემიერმინისტრი გიორგი გახარია დღეს აზერბაიჯანს ეწვევა. თუმცა, ჯერჯერობით უცნობია, იქნება თუ არა საუბარი პრემიერის ვიზიტისას საზღვრის დელიმიტაციის თემაზე.

გახარიას საქართველოს მეზობელ ქვეყანაში ვიზიტთან დაკავშირებით ინფორმაცია მისმა პრესსამსახურმა გაავრცელა.

„საქართველოს პრემიერ-მინისტრ გიორგი გახარიას პირველი ოფიციალური ვიზიტები განხორციელდება საქართველოს მეზობელ ქვეყნებში, რომლებიც არიან ჩვენი უმნიშვნელოვანესი პარტნიორები, როგორც საგარეო პოლიტიკური, ასევე სავაჭრო-ეკონომიკური მიმართულებით.

2019 წლის 9 ოქტომბერს, პრემიერ-მინისტრი ეწვევა აზერბაიჯანის რესპუბლიკას, შემდეგ კვირას ვიზიტი შედგება სომხეთში. ასევე, მზადდება პრემიერ-მინისტრის ვიზიტი თურქეთის რესპუბლიკაში, რომელიც თვის ბოლოს გაიმართება.

პრემიერ-მინისტრ გიორგი გახარიას ვიზიტი ბრიუსელში შედგება ევროკომისიაში ამჟამად მიმდინარე საკადრო საკითხების დასრულებისთანავე, როგორც კი განახლებული ევროკომისია საკუთარი უფლებამოსილების განხორციელებას შეუდგება" - აღნიშნულია გავრცელებულ ინფორმციაში.