სალომე ზურაბიშვილის თქმით, საქართველოს ოკუპირებულ რეგიონებთან მიმართებაში არსებული მდგომარეობა საკმაოდ დაძაბულია და შეიძლება, ნებისმიერ დროს გადაიზარდო უფრო სერიოზულ სიტუაციაში.

გერმანიის ფედერაციული რესპუბლიკის პრეზიდენტ ფრანკ-ვალტერ შტაინმაიერთან შეხვედრაზე საქართველოს პრეზიდენტმა თქვა, რომ აუცილებელია დეესკალაცია.

"ჩვენ ვისაუბრეთ, პირველ რიგში, კონფლიქტურ სიტუაციებზე, ოკუპირებულ ტერიტორებზე; იმ აუცილებლობაზე, რასაც მე ვახსენებ ყოველთვის ჩვენს პარტნიორებს, რომ აუცილებელია სხვა კონფლიქტთან ერთად, კერძოდ, უკრაინის კონფლიქტთან ერთად, არ იყოს მივიწყებული საქართველო, ჩვენი ოკუპირებული ტერიტორიები… საკამაოდ დაძაბული იყო ამ ზაფხულს სიტუაცია, შეიძლება ნებისმიერ დროს გადაიზარდოს უფრო სერიოზულ სიტუაციაში და აუცილებელია, ერთი მხრივ, დეესკალაცია და მეორე მხრივ, გამოსავლის ძებნა”, - განაცხადა ზურაბიშვილმა.