ნატოში აშშ-ის მუდმივი წარმომადგენლის უმწვავესი კრიტიკა ხელისუფლებას: "ნატოში გაწევრიანებისთვის უნდა გქონდეთ დემოკრატია, კანონის უზენაესობა, დამოუკიდებელი სასამართლო, თავისუფალი პრესა"

პოლიტიკა - 19:43, 04 Oct, 2019

1494

ნატოში ამერიკის შეერთებული შტატების მუდმივი წარმომადგენელმაი ქეი ჰაჩინსონი აცხადებს, რომ აუცილებელია, საქართველოში რეფორმები წინ მიიწევდეს და იყოს დამოუკიდებელი სასამართლო სისტემა.

„ჩვენ ძალიან ყურადღებით ვაკვირდებით, რათა დარწმუნებულები ვიყოთ, რომ რეფორმები წინ მიიწევს. ჩვენ შევხვდებით პარლამენტის ლიდერებს, ასევე, პარტიების ლიდერებს და სამოქალაქო საზოგადოებას. ორი რამ არის, რასაც ძალიან ყურადღებით ვაკვირდებით: საარჩევნო რეფორმებს თავისუფალი და სამართლიანი არჩევნებისთვის, ეს ძალიან მნიშვნელოვანია დემოკრატიის სიძლიერისთვის და რა თქმა უნდა, თქვენ უნდა გქონდეთ კანონის უზენაესობა, იმ სასამართლო სისტემით, რომელიც დამოუკიდებელია.

„რეკომენდაციები (რომელიც გახარიას მისცა) დაკავშირებულია ამ საკითხებთან. ეს ნაწილია ყველა ქვეყნის სტანდარტებისა, რომ ნატოში გაწევრიანებისთვის უნდა გქონდეთ დემოკრატია, კანონის უზენაესობა, დამოუკიდებელი სასამართლო, თავისუფალი პრესა. ვიტყვი, რომ კარი ღია გვაქვს, ველით ჩრდილოეთ მაკედონიის გაერთიანებას ძალიან მალე და გვსურს, საქართველოც შემოვიდეს ნატოში, ერთ დღეს, როდესაც რეფორმები გატარდება, როდესაც ის მზად იქნება, ჩვენ შეგვიძლია, მას მივესალმოთ“, - განაცხადა ჰაჩინსონმა.