ჩრდილოატლანტიკური ალიანსის გენერალური მდივნის მოადგილე როუზ გოტმიოლერმა საქართველოს საერთაშორისო მისიებში მონაწილეობისთვის მადლობას უხდის და ამბობს, რომ "ერთ დღეს, საქართველო გახდება ნატოს წევრი და მე მოუთმენლად ველოდები ამ დღეს“.

"საქართველო ერთ-ერთი უმსხვილესი სამხედრო კონტრიბუტორია ავღანეთის მისიებში. მინდა პატივი მივაგო ყველა ქართველ დაღუპულ ჯარისკაცს. ნატოს მხარდაჭერის არსებითი პაკეტი გააძლიერებს საქართველოს დამოუკიდებლობას და სუვერენიტეტს. ჩვენ გაძლევთ რჩევებს, ჩავატარებთ ტრენინგებს ნებისმიერი კიბერთავდასხმის წინააღმდეგ, იმისთვის, რომ გაძლიერდეს თქვენი სპეციალური უსაფრთხოების ძალები. ვიმუშავებთ ერთობლივად უსაფრთხოების მიმართულებით. ერთ დღეს, საქართველო გახდება ნატოს წევრი და მე მოუთმენლად ველოდები ამ დღეს“ - განაცხადა როუზ გოტმიოლერმა.

მისი თქმით, საქართველო აკეთებს იმის დემონსტირებას, რომ ის უსაფრთხოების ექსპორტიორია.

"საქართველო ალიანსისთვის უნიკალური პარტნიორია. ნატო-საქართველოს არსებითი პაკეტი წარმატების ისტორიაა, რომელმაც თქვენი შეიარაღებული ძალები უფრო ძლიერი გახადა. ჩვენ ასევე გვსურდა, ხაზი გაგვესვა, თუ რამდენად ცნობს ნატო-ს ყველა მოკავშირე საქართველოს შეიარაღებული ძალების პროფესიონალიზმს იმ წვლილით, რაც თქვენ შემოგაქვთ ჩვენს მისიებსა და ოპერაციებში“, - განაცხადა ნატო-ს გენერალური მდივნის მოადგილემ.

უცხიელი მაღალჩინოსანი ხაზს უსვამს საქართველოს წვლს უსაფრთხოების თვალსაზრისით.

„საქართველო აკეთებს იმის დემონსტირებას, რომ ის უსაფრთხოების ექსპორტიორია. თქვენი ქვეყანა რჩება ნატო-ს არაწევრ ქვეყნებს შორის ყველაზე დიდი წვლილის შემომტანად ჩვენს მისიაში ავღანეთში. ჩვენ მივესალმებით თქვენს რეფორმებს, რომელიც აძლიერებს თქვენს დემოკრატიულ ინსტიტუტებსა და კანონის უზენაესობას და ასევე, მოდერნიზებას უწევს თქვენს შეიარაღებულ ძალებს. ჩვენ ვიმუშავებთ თქვენთან ერთად და გავაგრძელებთ სვლას ამ გზაზე. სრულად ვუჭერთ მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას საერთაშორისოდ აღიარებულ საზღვრებში.

მოვუწოდებთ რუსეთს, უკან წაიღოს საქართველოს რეგიონების, აფხაზეთისა და სამხრეთ ოსეთის აღიარება. ეს ტერიტორიები არის საქართველოს განუყოფელი ნაწილი“, - განაცხადა გოტმიოლერმა.