"ჩემი ძმა პარალიზებულია" - ექსპერტები დეკანოზის სიმულიანტობას გამორიცხავენ

პოლიტიკა - 18:09, 04 Oct, 2019

1677

მამა გიორგი მამალაძეს ოჯახის მოთხოვნით, მსჯავრდებულს სამედიცინო ექსპერტიზა ჩაუტარდა.
სპეციალისტები აცხადებენ, რომ სასჯელაღსრულების სამედიცინო დაწესებულებაში მოთავსებული სასულიერო პირის მდგომარეომა მძიმეა. ისინი არ ეთანხმებიან საპატრიარქოს მიერ მოყვანილ ინფორმაციას, თითქოს სასულიერო პირი სიმულიანტობს.

5 ექსპერტი აღნიშნავს, რომ მამალაძის მდგომარეობა მძიმეა როგორც ფიზიკურად, ასევე ფსიქოლოგიურად.

წამების მსხვერპლთა ფსიქოლოგიური რეაბილიტაციის ცენტრ "ემპათიას" დირექტორი, მარიამ ჯიშკარიანი აცხადებს, რომ მსჯავრდებული არაადეკვატურ გარემოში მკურნალობს.

ამავე ცენტრის ექიმ-ფსიქიატრი გიორგი ბერულავა სამწუხაროს უწოდებს, მისი კილეგების დასკვნას, რომელიც დღეს საპატრიარქომ არგუმენტად მოიყვანა.

"ჩვენ გავეცანით დასკვნას, რომელიც სამწუხაროდ დაწერილია ჩვენი ზოგოერთი კოლეგის მიერ. ამ ეტაპზე კატეგორიულად შემიძლია განვაცხადო, ამ შემთხვევაში სიტყვა სიმულაცია საერთოდ არ განიხილება"- აცხადებს ბერულადა.

რაც შეეხება მსჯავრდებულის ოჯახს, თორნიკე მამალაძე ამბობს, რომ სწორედ საპატრიარქოს დაკვეთით ხდება ექსპერტიზის დასკვნის გაყალბება, რომ გიორგი მამალაძის შეწყალება არ მოხდეს.

"დაწერრეს დასკვნა, სადაც წერია სიტყვა სიმულაცია. ამან გაგვიჩინა ეჭვები. ჩემი ძმა რეალურად არის ძალიან ცუდად. პარალიზებულია. ეს არის მიზანმიმართული ქმედება საპატრიარქოს მხრიდან. პირველები ისინი, მამა ანდრია ჯაღმაიძის სახით გამოხტდნენ და თქვეს, რომ ჩემი ძმა იტყუება. ამ ყველაფრით მათ სურთ ის ცოდვა ჩამოირეცხონ, რაც აწევთ ზურგზე. ჩემი ძმა არ იტყუება და ამას ექსპერტიზა დაამტკიცებს"- აღნიშნა მამალაძემ.

ცნობისთის, საპატრიარქომ დღეს გაავრცელა სპეციალური განცხადება, რომელიც ერთ-ერთი სააგენტოს მიერ გავრცელებულ ექსოერტიზის დასკვნას ეყრდნობა და სასულიერო პირის მხრიდან სიმულაციაზე მიანიშნებს.