"20 ივნისის მოვლენები იყო ქაჯობა"

"20 ივნისის მოვლენები იყო ქაჯობა" - ზაქარია ქუცნაშვილი

პოლიტიკა - 12:28, 04 Oct, 2019

1407

გავრილოვის მთავარი მასპინძელი ზაქარია ქუცნაშვილი 20 ივნისის მოვლენებს ქაჯობად მიიჩნევს.

როგორც ქუნაშვილმა განაცხადა, ახლა ზუსტად სიმართლის თქმის დრო დადგა და საზოგადოებამ ეს ყველაფერი უნდა გაიგოს.

"ის რაც 20 ივნისს მოხდა მე ამას ქაჯობა ვუწოდე. იმიტომ, რომ როცა შეგიძლია გამოიყენო და ერთადერთი ინსტრუმენტი გაქვს საერთაშორისო დიპლომატია და საერთაშორისო ფორუმები საქართველოში და ამას ვერ იყენებ ეს ქაჯობაა ჩემი აზრით. მიუხედავად იმისა, რომ მე მარტო დავრჩე საკუტარი სინდისის წინაშე ამაზე პოზიციას არ შევცვლი. ზოგიერთი მედიიის წამომადგენელი ამას იყენებდა.

ფაქტების შეგნებულად გაყალბებით თავდაპირველად შეეცადნენ ადამიანების გულწრფელი აღელვება გამოეწვიათ და პარლამენტში მათი შეჭრა ხელისუფლების დამხობისთვის გამოეყენებინათ. როდესაც ეს არ გამოუვიდათ, შემდეგ შეეცადნენ ქართული საზოგადოების გულწრფელი აღელვება გამოეწვიათ და ის მიემართათ ამჯერად უკვე „რუსთავი 2-ის“ დასარბევად. იმისათვის რომ სტრასბურგის გადაწყვეტილების გამოცხადებამდე მსოფლიო თანამეგობრობის თვალში ისინი მსხვერპლნი, ხოლო ქართული საზოგადოება და მისი ხელისუფლება მოძალადედ და ანტიდასავლურ ძალად წარმოჩინებულიყო. გადაწყვეტილების გამოცხადებამდე ამ ხაფანგმაც რომ არ გაჭრა, ადგნენ და პროპაგანდის მანქანის არქივი, მთავარი ინტელექტუალური პროდუქტი, გაასხვისეს, რითაც ათწლეულების მანძილზე სხვისი რესურსებით შექმნილი მორიგი მატერიალური სიკეთე მათთვის ხელმისაწვდომ ადგილზე მოახვედრეს" - აღნიშნა ზაქარია ქუცნაშვილმა.