"ცუდად იქცევი ბიძინა, შენ ამ ქვეყნის სისხლიანი წარსული ხარ და ასეთად დარჩები ისტორიაში"

"ცუდად იქცევი ბიძინა, შენ ამ ქვეყნის სისხლიანი წარსული ხარ და ასეთად დარჩები ისტორიაში" - გურამ ჩალაგაშვილი

პოლიტიკა - 20:16, 03 Oct, 2019

1409

"გამარჯვებული საქართველოს" ლიდერის გურამ ჩალაგაშვილი, აცხადებს, რომ ბიძინა ივანიშვილმა მოსამართლეები "დააჩმორა". ოპოზიციონერი პოლიტიკოსი ივანიშვილს მიმართავს, რომ ის უკვე ამ ქვეყნის სისხლიანი წარსულია და ასეთად ჩაიწერება საქართველოს ისტორიაში.
"გუშინ ირაკლი ოქრუაშვილის უსამართლო სასამართლო პროცესი იყო. რომ გითხრათ მოლოდინი გაგვიცრუვდაო, მოგატყუებთ, ისედაც ჩანს, რომ ბიძინამ ირაკლის სამაგალითოდ დასჯა გადაწყვიტა.
გუშინვე პატიმრობაში დატოვეს ოქრუაშვილის უახლოესი მეგობარი, კობა კოშაძე, არც მისი უდანაშაულობა აინტერესებს მოსამართლეს, მიუხედავად იმისა, რომ ექსპერტიზის დასკვნამ დაადასტურა კობას უდანაშაულობა. იარაღზე, რომელიც ჩაუდეს, ვერ მოახერხეს ანაბეჭდების გადატანა და დასკვნაც შესაბამისია, მაგრამ რად გინდა. ბიძინას ბრძანება ყველა ექსპერტიზაზე მაღლა დგას.
ამ ქვეყანაში თუ ვინმე დააჩმორა ბიძინამ, ეს მოსამართლეები არიან.
სასამართლოზე მოსამართლეები გვიყურებენ, მაგრამ არ გვისმენენ, რა ქნან, არ არის ადვილი ბიძინას ბრძანების არ შესრულება.
ცუდად იქცევი, ბიძინა, შენი ტვინი არ გყოფნის, მრჩეველი მუდმივად კაიფში გყავს, თორემ გეტყოდა გურიაში და იმერეთში ქოცების პარტაქტივის შეკრებას და იძულებით გაღიმებას გირჩევნია, ღმერთს შეხედო და უდანაშაულო პოლიპატიმრები გაათავისუფლოო. ან კიდე რა იცით თქვენ, რომ ღმერთი არსებობს.
საკუთარი დანაშაულის სხვაზე გადაბრალება არაა კაცობა. ვინ გირჩია ოქრუაშვილის დაკავება, ვინ დაიხრჩო მისი ვაჟკაცობის გამო ბოღმით. შურისძიებაც ძალიან დიდი სისუსტია, გაგონილი მაინც გექნება.
ფრანგმა პენსიონერმა ხომ გაჩვენათ „კლასი“ და კრიმინალები შეიწყალა, ჯერ სად ხართ. ისე პენსიონერს რას ვერჩით, 2012 წელს, როცა დაგჭირდათ კი გახსენით ციხის კარები. უკრაინაში მოკლული ჭაჭიაშვილიც თქვენ შეიწყალეთ თურმე, 20 წელი ჰქონია მისჯილი. ყველას ახსოვს, რა დღეში იყვნენ თქვენი მედროშე დეპუტატი ქალბატონები მაგ შეწყალების დროს, დღეს რომ უარგყვეს.
ცუდად იქცევი, ბიძინა, და სისხლიანი 20 ივნისი მხოლოდ შენ მოგეწერება. შენი ქველმოქმედების კიდევ შენივე ხალხს აღარ სჯერა.
კიდევ ერთხელ და ხმამაღლა გეუბნები, რომ ვერ შემაშინებ ვერც მე და ვერც ქართველ ერს. შენ უკვე ამ ქვეყნის სისხლიანი წარსული ხარ და ასეთადაც ჩაიწერები საქართველოს ისტორიაში.
#თავისუფლებაპოლიტპატიმრებს!
#ირაკლიპოლიტპატიმარია!" - წერს გურამ ჩალაგაშვილი სოციალურ ქსელში.