რეგიონული განვითარებისა და ინფრასტრუქტურის მინისტრი, მაია ცქიტიშვილი მოძრაობა "ლელოს" დამფუძნებლის, მამუკა ხაზარაძის განცხადებას გამოეხმაურა.

ცქიტიშვილმა ახალგაზრდა ქალებს მოუწოდა, რომ არ შეეშინდეთ ასეთი განცხადებების, ისწავლონ, გააკეთონ ის საქმე, რომელიც უყვართ, მიხედონ თავის ოჯახს და ქვეყანას.

"რაც შეეხება ხაჭაპურსა და კულინარიას, დიახ, გაგიკვირდებათ და მამუკა ხაზარაძისგან განსხვავებით, კარგად ვაცხობ ხაჭაპურს, კარგად ვაკეთებ საერთოდ ჩემს საქმეს, კარგად ვაშენებ გზებს და თუ საჭირო გახდება, ძალიან კარგად ავაშენებ პორტს. რაც შეეხება ზოგადად ამ თემას, მინდა, მოვუწოდო ყველა გოგონას, ყველა ახალგაზრდა ქალბატონს, რომ არ შეეშინდეს ასეთი ტიპის განცხადებებს, ასეთი დამოკიდებულების, ისწავლონ, გააკეთონ ის საქმე, რომელიც მათ უყვართ, მიხედონ თავის ოჯახს და რა თქმა უნდა, მიხედონ ქვეყანას“, – განაცხადა მაია ცქიტიშვილმა.