"ოცნების" ორმაგი სამართალი - აქციის დამრბევი ყველა სპეცრაზმელი გაათავისუფლეს, ციხეში კი 20-მდე "გავრილოვის ღამის" პატიმარი რჩება

პოლიტიკა - 12:18, 02 Oct, 2019

1765

"გავრილოვის ღამეს" მოქალაქეების დარბევაში ბრალდებული ყველა პოლიციელი თავისუფალია - სამივე სამართალდამცავი გირაოს სანაცვლოდ გათავისუფლდა, რაც აჩენს ეჭვს, რომ სპეცრაზმელების პატიმრობა ფორმალური ხასიათის იყო. ეს მაშინ როცა აქციის მონაწილე 20-მდე მოქალაქე საბყრობილეში რჩება.

როგოორც "მთავარმა" გაარკვია, 2 სპეცრაზმელს, აღკვეთი ღონისძიება პატიმრობა შეფარდებული საერთოდ არ ჰქონია.

ტელეკომპანიის ინფორმაციით, გირაოს სანაცვლოდ გათავისუფლებულია ორი სპეცრაზმელი - გიორგი ესეიშვილი და გიორგი ამბარდნიშვილი. რამდენიმე დღის წინ კი გაათავსიუფლეს ლევან იმერლიშვილი.

საეჭვო გათავისუფლებაზე კომენტარი გააკეთა სახალხო დამცველმა, რომელიც საკითხის შესწავლას ითხოვს:
"სამი პირი დღეს არის თავისუფალი. ჩვენ აუცილებლად მივმართავთ პროკურატურას, რომ საქმის მასალების გაცნობის საშუალება მოგვცენ. საინტერესო იქნება გავეცნოთ იმ დოკუმენტაციას, რა გახდა საფუძველი მათი გათავისუფლების. დღეს გვაქვს მოცემულობა, რომ ყველა სამართალდამცავი თავისუფალია, თუმცა პატიმრობაში რჩებიან აქციის მონაწილე პირები. ცალკეული მათგანის ჯანმრთელობის მდგომარეობა კი შემაშფოთებელია.

ჩვენ უნდა გავეცნოთ საქმის მასალებს და გავერკვეთ, ხომ არ ჰქონდა არათანაბარ მიდგომას პოლიციელების შემთხვევაში და როგორი მიდგომა აქვს პროკურატურას აქციის დაკავებული მონაწილეების მიმართ.

უფრო ლოგიკური იქნებოდა პატიმრობის გამოყენება სამართალდამცავთა მიმართ, იმიტომ რომ აქ უფრო მერია რისკი გამოძიებაზე ზემოქმედების"- განაცხადა ნინო ლომჯარიამ.

გათავისუფლებული ლევან იმერლიშვილის ძმა აცხადებს, რომ მისი ძმის მდგომარეობა მძიმე იყო.

"ალბათ იმათაც აქვთ მიზეზი, ჩემი ძმა ექიმთანაა, ფილტვებზე აქვს პრობლემა. სამსახურიდან გათავიუფლებულია"- აღნიშნა იმერლიშვილის ძმამ.