"დიახ, იქ დაუმორჩილებლობა იყო"- "ოცნების" აღიარება ე.წ. მუხროვანის ამბოხზე (ვიდეო)

პოლიტიკა - 15:20, 01 Oct, 2019

924

თავდაცვისა და უსაფრთხოების კომიტეტის თავმჯდომარემ, ირაკლი სესიაშვილმა მუხროვანის თემაზე საუბრისას აცხადებს, რომ რომ მუხროვანის მოვლენები იყო დაუმორჩილებლობა.

ოპოზიციის შეფასებით, სესიაშვილის განცხადება ერთგვარი აღიარებაა.
"მოსმენა უნდა ისწავლოთ. მე ვთქვი ე.წ. მუხროვანის ამბოხი. მე არ მითქვამს, რომ იქ დაუმორჩილებლობა არ იყო. დიახ, იქ დაუმორჩილებლობა იყო, მაგრამ თქვენ ახლა მაიძულებთ მე, რომ გამეცადინოთ თქვენი მმართველობის დროს ჩადენილი დანაშაულების და კონკრეტული ფაქტების შესახებ. თქვენ ყოველთვის, როცა მმართველობაში იყავით და უსაფრთხოების სისტემაზე მეთვალყურეობა გევალებოდათ, თქვენ არაფერზე პასუხისმგებლობას არ იღებთ. თქვენ დღეს ამბობთ, რომ არც წამება გახსოვთ, არც ბიზნესის ტერორი, ან სასამართლოზე ზეწოლა. არაფერზე პასუხისმგებლობას არ იღებთ, იმიტომ რომ „არ იცოდით“ და რომ არ იცით, მე ამაში უნდა გამეცადინოთ, სამწუხაროდ, მიწევს ამის გაკეთება იძულების წესით“, - განაცხადა სესიაშვილმა და აქვე დასძინა, რომ სამხედროების დაუმორჩილებლობა იყო მიმართული იმისკენ, რომ აგვისტოს ომში დამარცხების შემდგომ, მათ არ სურდათ აღლუმზე გასვლა.

„სააკაშვილს და თქვენს ხელისუფლებას გინდოდათ სამაგალითოდ დაგესაჯათ ჯარი და ჩვენი ოფიცრები. გარდა ამისა, თქვენს პოლიტიკურ მოძღვარს გადაეცით, რომ თავი დაანებოს იმ მარაზმულ განცხადებებს, რაც უკავშირდება იმას, რომ თითქოს ჩვენი სახელმწიფო, ჩვენი ჯარისკაცების დაპატიმრებისკენ დგამს ნაბიჯებს. ჩვენი ჯარისკაცები და ოფიცრები მართლები არიან ერისა და ღვთის წინაშე. მათ დაიცავს ქართული სახელმწიფო“, - განაცხადა სესიაშვილმა გიგა ბოკერიას საპასუხოდ.